کوبوٹ -میلواور مکرووا-ویسننا نے ومبلڈن کا ڈبلز خطاب جیتا

Source: S.O. News Service | By Shahid Mukhtesar | Published on 17th July 2017, 3:47 PM | اسپورٹس |

لندن،16؍جولائی (ایس او نیوز؍آئی این ایس انڈیا )پولینڈ کے لوکاس کوبوٹ اور برازیل کے مارسلومیلو نے کل رات یہاں پانچ سیٹ تک چلے سخت مقابلے میں جیت درج کرکے ومبلڈن مرد ڈبلز کا خطاب جیت لیا ، جبکہ روس کی ایکٹیرنا مکرووا اور الینا ویسننا کی اولمپک طلائی تمغہ یافتہ جوڑی نے یک طرفہ فائنل میں آسان جیت سے خواتین ڈبلز کا خطاب اپنے نام کیا۔کوبوٹ اور میلو کی چوتھی سیڈ حاصل جوڑی نے چار گھنٹے 39منٹ تک چلے میچ میں آسٹریا کی اولیور مراچ اور کروشیا کے میٹ پاوچ کی 16ویں سیڈ حاصل جوڑی کو5,7-7,5-7,6-3,6-13,11سے شکست دی۔میلو نے بعد میں کہاکہ میں نے میچ سے پہلے لوکاس سے کہاکہ میں نے اس کورٹ پر آنے کے لیے اپنی زندگی میں سب کچھ کیا،میں اس کا مکمل لطف اٹھانا چاہتا ہوں،میں اس سے پہلے بھی ایک بار فائنل (ایوان ڈوڈگ کے ساتھ 2013میں جب وہ برائن برادران سے ہار گئے تھے)میں پہنچا تھا، لیکن اب میں جیتنا چاہتا ہوں اور میں ایسا کر سکتا ہوں۔جب انہوں نے چھت بند کر دی تو ہمارے لیے یہ اچھا رہا،ہم جوش سے لبریز تھے اور اسٹیڈیم کا ماحول بہت اچھا تھا۔اس کے بعد خواتین ڈبلز کا فائنل صرف 55منٹ تک چلا جس میں مکرووا اور ویسننا نے اپنی شہرت کے مطابق کارکردگی کا مظاہرہ کرتے ہوئے تائیوان کی ہاؤ چنگ چان اور رومانیہ کی مونیکا نکولسک کو6-0،6-0سے شکست دی۔ومبلڈن کی تاریخ میں یہ صرف دوسرا موقع ہے ،جبکہ خواتین ڈبلز فائنل کا فیصلہ ’ڈبل بیگل‘اسکور لائن سے ہوا۔یہ دوسری سیڈ حاصل روسی جوڑی کا ٹیم کے طور پر تیسرا گرینڈسلیم خطاب ہے،اس سے پہلے انہوں نے2013میں فرنچ اوپن اور 2014میں یو ایس اوپن خواتین ڈبلز کا خطاب جیتا تھا۔

ایک نظر اس پر بھی

پہلے ٹیسٹ میں   جنوبی افریقہ نے ہندوستان کو 72رنز سے شکست دی؛ سریز میں1-0کی سبقت

 جنوبی افریقہ نے اپنی فاسٹ گیندبازی سے ہندوستان کو شکست دینے کے بعد دوسرے ٹیسٹ میچ کے لیے ڈیل اسٹین کی عدم دستیابی کے باعث ٹیم میں مزید دو فاسٹ بولروں دواننے الیور اور 21سالہ لونگی نگیڈی کو کو شامل کر لیا۔

کولن منرو کی شاندار سنچری کی بدولت نیوزی لینڈ نے ویسٹ انڈیز کو 119 رنز سے شکست دے کر سیریز دو صفر سے جیت لی

کولن منرو کی شاندار سنچری اور پھر بولرز کی نپی تلی بولنگ کی بدولت نیوزی لینڈ نےویسٹ انڈیز کو سیریز کے تیسرے اور آخری ٹی 20 میچ میں 119 رنز سے شکست دے کر سیریز دو صفر سے جیت لی ہے۔