پہلی بار ملک کے تین اعلیٰ ترین عہدوں پر براجمان ہوں گے آر ایس ایس رضاکار؛ نائب صدرجمہوریہ کے عہدہ کے لیے وینکیانائیڈو کا نام

Source: S.O. News Service | Published on 17th July 2017, 10:19 PM | ملکی خبریں |

نئی دہلی17جولائی(ایس او نیوز/آئی این ایس انڈیا)صدارتی انتخابات کے لیے ووٹنگ کے فوراََ بعد بی جے پی پارلیمنٹری بورڈکی میٹنگ ہوئی۔جس  میں نائب صدرجمہوریہ کے عہدے کے لیے مرکزی وزیروینکیا نائیڈوکوامیدواربنانے کا فیصلہ کیاگیا۔ وینکیانائیڈوکے نام کے اعلان کے ساتھ ہی یہ طے ہوگیا کہ پہلی بار ملک کے تین سب سے بڑے آئینی عہدوں پر آر ایس ایس کے رضاکار براجمان رہیں گے۔گزشتہ ماہ 20مئی کو بی جے پی صدرامت شاہ نے بہار کے اس وقت کے گورنر رام ناتھ کووندکوصدر کے عہدہ کے لئے اپنا امیدوارابنانے کا اعلان کرکے سب کوحیران کردیاتھا۔ رام ناتھ کے نام کے ساتھ جہاں بی جے پی نے دلت ووٹ بینک کی ایک اورکوشش کی۔وہیں یہ بھی کہاگیا کہ انہیں آرایس ایس سے منسلک رہنے کاپھل ملا۔اب بی جے پی نے وینکیانائیڈوکواین ڈی اے کے نائب صدرکے عہدہ کا امیدوار ہونے کا اعلان کر دیاہے۔وہ بھی تب جب نائیڈو مودی کابینہ میں شہری ترقی کی وزارت کی اہم ذمہ داری اداکر رہے ہیں۔اوران کے ذمہ اسمارٹ سٹی، صفائی مہم جیسے اہم پراجیکٹ ہیں۔جوابھی تک زمین پرنہیں ہے۔

وینکیانائیڈوکے فلیش بیک میں دیکھا جائے تو جدوجہد اور غربت کی تصویر سامنے آتی ہے۔کسان خاندان میں پیداہوئے وینکیانائیڈونے انتہائی غربت میں زندگی گذاری۔عالم یہ تھا کہ ان کے پاس تعلیم حاصل کرنے تک کے لیے پیسے نہیں تھے۔آرایس ایس سے ان کی وابستگی کی سنجیدگی کا اندازہ اس بات سے لگایا جا سکتا ہے کہ نائیڈو آر ایس ایس کے دفتر میں ہی رہتے اورسوتے تھے۔پارلیمنٹری بورڈکی میٹنگ کے بعدجب امت شاہ نے ان کے نام کا باقاعدہ اعلان کیا تو وہ بھی نائیڈوکی جدوجہداورلگن کو یاد کرتے نظر آئے۔امت شاہ نے بتایا کہ نائیڈوجی نے بچپن سے بی جے پی کی خدمت کی۔وزیر اعظم نریندر مودی کے ماضی کی بات کی جائے تو انہوں نے بھی بچپن سے ہی رضاکارانہ طور پر کام کیا۔گجرات کے وڈنگر سے نکل کرمودی  مرکزی اقتدار تک پہنچے تھے  اور ملک کے وزیر اعظم بننے کا اعزاز حاصل کیا۔

یعنی تصویر بالکل صاف ہے۔اعدادوشمارپرغور کیا جائے تو رام ناتھ کووندکاصدربنناتقریباََطے ہے۔وہیں بینچ کا امیدوار ہونے کی وجہ سے وینکیانائیڈو کا نائب صدر بننا بھی طے نظر آ رہاہے۔ اس طرح جب نائیڈو انتخابات میں جیت کے بعد نائب صدر کے عہدہ کا کام کاج سنبھالیں گے تو ملک کے صدر، نائب صدر اور وزیر اعظم تینوں عہدوں پر آر ایس ایس کے رضاکار براجمان ہوں گے۔غورطلب ہے کہ بی جے پی کی  اتحادی پارٹی شیوسینا نے آر ایس ایس سربراہ موہن بھاگوت کو صدر کے عہدہ کا امیدوار بنانے کی مانگ کی تھی۔تاہم بی جے پی نے ایسانہیں کیا۔خودآرایس ایس نے ایسے کسی امکان کی تردیدکی تھی۔مگرآج جو تصویرہے، وہاں اگرچہ آر ایس ایس چیف کسی آئینی عہدے پر براجمان نہیں ہورہے ہوں، مگر آر ایس ایس کے رضاکار ملک کے تین سب سے اعلیٰ عہدوں پر فائز ہونے جا رہے ہیں۔
 

ایک نظر اس پر بھی

بہار کے بعد اب یوپی میں بی جے پی کا آپریشن؛ ایس پی اور بی ایس پی دونوں پارٹیوں کے ممکنہ اتحادکوروکنے کی ہرممکن ہوگی کوشش

 بہار میں قلعہ فتح کرنے کے بعد اب بی جے پی کا اگلا نشانہ یوپی ہوگا۔یوپی میں اپوزیشن کے ممکنہ مہاگٹھ بندھن کومنہدم کرنااب بی جے پی کی ترجیح ہے۔نتیش کمارکی حلف برداری کی تقریب کے فوراََبعدیوپی کے وزیراوربڑے لیڈرسددھارتھناتھ سنگھ نے ٹویٹ کرکے اس کا اشارہ کر دیاہے۔

یوپی اسمبلی سے ایس پی اوربی ایس پی ممبران کاواک آؤٹ

 اترپردیش قانون ساز کونسل میں آج ایس پی اوربی ایس پی ممبران نے مختلف مسائل کو لے کر ایوان سے واک آؤٹ کیاہے۔وقفہ صفرکے دوران ایس پی ارکان نے التواء کی تجویزکے ذریعے ریاست میں اساتذہ کے ایڈجسٹمنٹ کا معاملہ اٹھا۔ایس پی ارکان نے کہا کہ پچھلی ایس پی حکومت نے 12ہزار 460بی ٹی سی اساتذہ ...

لالویادوکے خاندان کے خلاف کارروائی کاسلسلہ جاری ای ڈی نے لالویادو، رابڑی،تیجسوی سمیت متعددلیڈروں پر منی لائونڈرنگ کاکیس درج

بہارمیں لالویادو خاندان پرایک اور بحران گہراگیاہے۔ رانچی اور پوری کے ہوٹلوں کو لیز پر دینے کے معاملے میں لالو، رابڑی اورتیجسوی یادو سمیت کئی لوگوں پر کیس درج کیاہے۔

ارون جیٹلی اورکے سی سی تیاگی شرد یادوکو منانے میں مصروف ،مرکزی وزارت پرڈیل ممکن؛ نتیش کمارکواسمبلی میں آج جمعہ کو ثابت کرنا ہوگا اکثریت

نتیش کمار کے مہاگٹھ بندھن چھوڑنے کے بعد بی جے پی کے ساتھ ملنے پر پارٹی کے سینئر لیڈر شرد یادو ناراض ہیں۔انہوں نے نتیش کمار سے اس فیصلے کے خلاف اپنا موقف بتا دیاہے۔جے ڈی یوکے دوسرے سینئر رہنما علی انور نے تو پارٹی کے فیصلے کے خلاف کھل کر بولا بھی ہے اور شرد یادو سے ملنے کے بعد کہا ...

28 جولائی کو بستر آئیں گے راہل گاندھی

کانگریس نائب صدر راہل گاندھی28جولائی کودوروزہ قیام پربسترپہنچیں گے۔راہل گاندھی اس دوران بہت سے پروگراموں میں شامل ہوں گے۔کانگریس جنرل سکریٹری اور چھتیس گڑھ انچارج پی ایل پنیا نے آج یہاں ایک پریس کانفرنس میں بتایاکہ گاندھی 28تاریخ کوبسترضلع کے ہیڈ کوارٹر جگدل پور پہنچیں گے۔