متھیا مرلی دھرن بنے ترولر ویرنس کے مینٹر
چنئی، 16جولائی (یو این آئی) تمل ناڈو پریمیئر لیگ (ٹی این پی ایل) کی فرنچائزز بی بی ترولر ویرنس نے سری لنکا کے سابق اسپنر متھیا مرلی دھرن اور سابق ہندوستانی کرکٹر بھرت ارون کو بالترتیب مینڑ اور ہیڈ کوچ مقرر کئے جانے کا اعلان کیا ہے ۔ٹسٹ میں سب سے زیادہ وکٹ لینے کا ریکارڈ اپنے نام رکھنے والے مرلی دھرن نے تمل ناڈو میں اپنے بچپن کی یادوں کو تازہ کرتے ہوئے کہاکہ تمل ناڈو سے میرا انتہائی خاص لگاؤرہا ہے کیونکہ میرے باپ دادا یہیں کے ہیں۔ٹی این پی ایل میں ویرنس ٹیم کا حصہ بن کر میں بہت خوش ہوں۔یہ لیگ میرے لئے ایک موقع ہے تمل ناڈو کو کچھ واپس دینے کا۔سابق ہیوی ویٹ آف اسپنر نے کہاکہ میں اس شاندار ٹیم کا حصہ بن کر بہت خوش ہوں۔تمام کھلاڑیوں کے پاس لیگ میچوں میں اپنی صلاحیتیں دکھانے کا اچھا موقع ہے ۔اگرچہ میں چیف کوچ نہیں ہوں لیکن میں نوجوان کھلاڑیوں کی زیادہ سے زیادہ مدد کروں گا۔کوچ ارون نے مرلی دھرن کی تعریف کرتے ہوئے کہاکہ یہ بہت ہی خوشی کی بات ہے کہ مرلی ویرنس ٹیم کا حصہ ہوں گے اور نوجوان کھلاڑیوں کے ساتھ ڈریسنگ روم شئیرکریں گے ۔ ہمارے لئے یہ بڑے اعزاز کی بات ہے کہ مرلی کھلاڑیوں کے ساتھ اپنے تجربے کو شئیر کریں گے اور ان کی حوصلہ افزائی کریں گے ۔