لکھنؤ،16؍مئی ( ایس او نیوز؍آئی این ایس انڈیا )اتر پردیش کے وارانسی میں منگل کے روز ایک بڑا حادثہ  پیش آیا۔ کینٹ اسٹیشن کے سامنے زیر تعمیر پل کا ایک حصہ گر گیا ۔اس کی زد میں کئی گاڑیاں آگئی ہیں۔حادثے میں این ڈی آر ایف کی ٹیم نے 18 موتوں کی تصدیق کی ہےاور 30 سے زیادہ لوگوں کے زخمی ہونے کی خبر ہے۔

مذکورہ حادثہ کے بعد وارانسی کےنائب وزیر اعلیٰ  کیشو موریہ نے چار اہلکاروں کو معطل کر دیا ۔ علاوہ ازیں انہوں نے معاملہ کی تحقیقات کے لئے تین رکنی کمیٹی تشکیل دی ہے، جو 15 روز کے اندر اپنی ریپورٹ دے گی

معاملہ کا جائزہ لینے کے بعد کیشو پرساد موریہ نے ٹویٹ کر تے ہوئے مذکورہ معاملہ میں دکھ ظاہر کیا ۔ قابل ذکر ہے کہ کارپوریشن کے چیف پروجکٹ مینجر ایچ سی تیواری ، پروجکٹ مینجر راجیندر سنگھ اور آر سوڈار کو معطل کر دیا گیا ہے۔ اور ساتھ ہی ایک اور اہلکار کو بھی معطل کیا گیا ہے۔اس کےساتھ ہی اس معاملہ میں تحقیقات کے لئے تکنیکی ماہرین کی تین رکنی ٹیم تشکیل دی ہے ۔ دریں اثنا مذکورہ ٹیم وارانسی پہونچ چکی ہے اور اپنی تفتیش میں لگی ہوئی ہے۔

قابل ذکر ہے کہ 1 اکتوبر 2015 میں چوکا گھاٹ سے لہراتا تک کا یہ پل کے زیر تعمیر کا ایک حصہ منہدم ہو گیا جس کی وجہ سے 18 لوگوں کی جان چلی گئی اور 30 سے زیادہ افراد زخمی ہو گئے ۔ واضح ہو کہ ادھر پل گرنے کے حادثے سے علاقے میں افراتفری مچ گئی ہے۔علاقے کو مقامی پولیس نے تحفظ کے نظریے سے گھیر لیا ہے۔ادھر موقع پر مقامی انتظامیہ کو لوگوں کے غصے کا بھی سامنا کرنا پرا۔راحت بچاؤ کا کام شروع ہو گیا ہے۔ادھر موقع پر موجود لوگ بھی راحت کے کام میں ساتھ دے رہے ہیں۔

ریاست کے وزیر اعلیٰ یوگی آدتیہ ناتھ بھی موقعہ پر پہونچے ۔ سی ایم یوگی نے حادثہ کا پورا جائزہ لیا اور ہندو بنارس یونیوسٹی میں داخل زخمیوں سے ملنے اسپتال پہونچے۔علاوہ ازیں تو وہیں سی ایم یوگی نے زخمیوں کو 2 لاکھ اور مرنے والوں کو 5 لاکھ روپئے کے معاوضے کا اعلان کیا۔