دہرادون: 2/دسمبر (ایس او نیوز/آئی این ایس انڈیا)اتراکھنڈ کے وزیراعلیٰ ترویندرسنگھ راوت نے اتوار کو نوجوانوں سے ہر قسم کی منشیات سے دور رہنے کی اپیل کرتے ہوئے کہا کہ یہ صرف ذاتی مسئلہ نہیں ہیں بلکہ اس کے سماجی، اقتصادی اور قومی سطح پر وسیع منفی اثرات بھی واقع ہوتے ہیں ۔ یہاں پولیس لائنز میں اتراکھنڈ پولیس کی جانب سے منشیات کیخلاف ’دون میراتھن ‘کو ہری جھنڈی دکھا کر روانہ کرنے کے بعد وزیر اعلی نے کہا کہ منشیات محض ذاتی مسئلہ نہیں ہے بلکہ اس کے وسیع سماجی، اقتصادی اور قومی سطح پر اس کے منفی اثرات واقع ہوتے ہیں ۔ انہوں نے نوجوانوں سے خود منشیات سے دور رہنے کے علاوہ دیگر لوگوں کو بھی منشیات کے خلاف بیدار ی اور نشہ کے خلاف مہم میں متحرک ہونے کی بھی اپیل کی۔ راوت نے کہا کہ نوجوان نسل اپنے خاندان اور معاشرتی اقدار، اعتماد اور احترام کو برقرار رکھے اور منشیات سے دور رہے۔وزیر اعلی نے کہا کہ منشیات نہ صرف نوجوان نسل کو جسمانی اور ذہنی طور پر کمزور کرتی ہے؛ بلکہ ملک کو کمزور کرنے کی بھی منصوبہ بند کوشش ہے۔ اس موقع پر وزیر اعلی نے میراتھن میں حصہ لینے آئے شرکاء کو نشہ کے خلاف مہم کی حلف بھی دلائی۔ اتراکھنڈ کے ایڈیشنل پولیس ڈائریکٹر جنرل اشوک کمار نے بتایا کہ’ رن اگینسٹ ڈرگش، رن فار لائف‘ کے موضوع پر منعقد ہ ’دون میراتھن ‘میں اسکول کے طلباء سمیت تقریبا 20 ریاستوں کے ہزاروں لوگوں نے شرکت کی۔