لوک سبھا انتخابات؛ ضلع شمالی کینرا میں18اور19سال کے نوجوان ووٹروں کی تعدادبھٹکل میں سب سے زیادہ ، یلاپور میں سب سے کم

Source: S.O. News Service | By Shahid Mukhtesar | Published on 13th March 2019, 2:20 PM | ساحلی خبریں |

کاروار13؍مارچ (ایس او نیوز) درپیش پارلیمانی انتخاب میں اپنے حق رائے دہندگی کا استعمال کرنے والے 18اور19سال کے نوجوان ووٹروں کی تعداد ضلع شمالی کینرا میں 9609ہے۔

موصولہ اعداد وشمار کے مطابق بھٹکل اسمبلی حلقے میں ایسے نوجوان ووٹروں کی تعداد سب سے زیادہ ہے جبکہ یلاپور اسمبلی حلقے میں یہ تعداد سب سے کم ہے۔ ضلع شمالی کینرا کے 6اسمبلی حلقوں میں 12مارچ تک پہلے مرحلے میں 5550نوجوان ووٹرس کی نشاندہی ہوئی تھی۔پھر دوسرے مرحلے میں4059 نوجوان رائے دہندگان نے اپنا نام ووٹر لسٹ میں رجسٹر کروایا ۔ اس طرح جملہ نوجوان ووٹرس کی تعداد9609ہوگئی ہے۔اگر اس تعداد کو مرد و خواتین کے زمروں میں تقسیم کریں تو اس میں لڑکوں کی تعداد 5069اور لڑکیوں کی تعداد4540ہے۔

پارلیمانی حلقہ وار تعدادکا جائزہ لیں تو ہلیال میں 1538، کاروار 1668،کمٹہ 1806، بھٹکل1958،سرسی1346،یلاپور1293نوجوان رائے دہندگان کے نام فہرست میں شامل ہوئے ہیں۔

ایک نظر اس پر بھی

سرسی اور اطراف میں سرگرم ہے لاولد جوڑوں کو اولاد ہونے کی دوائی کے نام پر دھوکہ دینے والا گروہ ۔ عوام رہیں ہوشیار!

پچھلے تین چار مہینوں سے سرسی ، سداپور اور اس کے اطراف میں ایک گروہ سرگرم ہے جو لاولد جوڑوں کو اولاد ہونے کا یقین دلاکر دوائیاں فروخت کررہا ہے اوربھاری رقم وصول کررہا ہے ، جب کہ دوائیوں کاکوئی مثبت اثر نہیں ہوتا۔

گوکرن میں سیاحوں کو یومیہ کرایہ پر اسکوٹر دینا مالکان کو پڑ گیا مہنگا؛ پولس نے کیا 25 اسکوٹر ضبط

کرایہ پر اسکوٹی بائکس سیاحوں کو دینا اب گوکر ن والوں کو مہنگا پڑ گیا؛ پولس نے بغیر لائسنس اسکوٹی کو کرائے پر دینے کا الزام لگاتے ہوئے قریب ۲۵ اسکوٹی کو ضبط کرلیا ہے اور مالکان پر معاملہ درج کرلیا ہے۔

کنداپورمیں آئس کریم کھانے سے 30بچے بیمار؛ بڑی عمر کی خواتین بھی متاثر

یہاں پیش آئے ایک المناک واقعے میں بیلوے، ہینگاولی اور ٹومبیٹو نامی علاقے میں تقریباً 30بچے آدھی رات کو غذائی سمیت (ٖفوڈ پوئزننگ)   کا شکار ہوگئے جس سے انہیں قئے شروع ہوگئی اور طبیعت بگڑنے لگی تو پہلے انہیں بیلوے کے سرکاری اسپتال میں داخل کیاگیا اور پھر صبح میں کئی بچوں کو نجی ...

ڈانڈیلی کی صادقہ انجم نے ایم ٹیک میں حاصل کی شاندارکامیابی؛  یونیورسٹی لیول پر دوسرا رینک : اردو میڈیم طالبہ کی بہترین کارکردگی پرخوشی کی لہر

ڈانڈیلی کی صادقہ انجم بدرالزماں  ڈاونگیرہ کی یو بی ڈی ٹی کالج آف انجنئیرنگ کی طالبہ وشویشوریا ٹکنکل یونیورسٹی بلگام کی طرف سے منعقدہ ایم ٹیک امتحانات میں یونیورسٹی پر دوسرا اور کالج کی سطح پرپہلا رینک حاصل کرنےپر تعلیمی ماحول میں خوشی ومسرت کی لہر دوڑی ہے۔