اتر پردیش:وارانسی میں یوگی اورامت شاہ کے پروگرام میں لگی سیاہ کپڑے پرپابندی 

Source: S.O. News Service | By Shahid Mukhtesar | Published on 20th January 2018, 9:31 PM | ملکی خبریں |

کالی جیکٹ پہنے صحافیوں کوبھی کونہیں ملی انٹری، مظاہرین کوروکنے کے لیے اقدام،30طلبہ گرفتار
وارانسی،20؍جنوری (ایس او نیوز؍آئی این ایس انڈیا)اتر پردیش کے وزیراعلیٰ یوگی آدتیہ ناتھ اور بھارتیہ جنتا پارٹی (بی جے پی)کے قومی صدر امت شاہ کے پروگرام میں آج کالا کپڑے پہنے ہوئے لوگوں کو اندر نہیں جانے دینے کا معاملہ سامنے آیا ہے۔سوشل میڈیا پر ایک ویڈیو بھی تیزی سے وائرل ہورہی ہے۔ کہا جا رہا ہے کہ احتجاجی مظاہرہ کے ڈر کے سبب یہ فیصلہ لیا گیا ہے۔حالانکہ چونکانے والی بات یہ ہے کہ پروگرام میں کالا کپڑے پہنے صحافیوں کو بھی جانے سے روک دیا گیا، جس کا ویڈیو سوشل میڈیا پر وائرل ہو رہا ہے۔اس معاملے میں ایک پولیس افسر نے کہا کہ یہ پروگرام میں مظاہرین کو روکنے کے لئے کیا گیا ہے لیکن وہ صحافیوں کوبھی پروگرام کے مقام پر جانے کی اجازت نہیں دینے کے سوال پر خاموش رہے۔دراصل ہفتہ کو امت شاہ اور یوگی آدتیہ ناتھ وارانسی میں ’’یوا ادگھوش‘‘پروگرام میں حصہ لینے پہنچے تھے۔پروگرام میں سیاہ کپڑے پہن کر جانے پر روک لگا دی تھی اور اسی وجہ سے کالا کپڑے پہنے صحافیوں کو بھی تکلیف کا سامنا کرنا پڑا۔رپورٹ کے مطابق پروگرام سے پہلے ہی امن خراب ہونے کے خدشہ کے سبب مہاتما گاندھی کاشی ودیاپیٹھ کے تقریباََ30طالب علموں کو حراست میں لیا گیا۔ان طالب علموں کو کینٹ تھانے میں رکھا گیا۔اس پروگرام میں امت شاہ کے ساتھ آدتیہ ناتھ، نائب وزیر اعلی کیشو پرساد موریہ، ریاستی وزیرانوپما جیسوال، بی جے پی ریاستی صدر مہندر ناتھ پانڈے، صوبہ تنظیم وزیر سنیل بنسل، یوپی حکومت میں وزیر انل راج بھر اور نیل کنٹھ تیواری بھی موجود تھے۔

ایک نظر اس پر بھی

داعش مقدمہ،اورنگ آباد اور ممبرا سے گرفتار مسلم نوجوانوں کو 14؍ دن کی پولس تحویل، جمعیۃ علماء مہاراشٹر نے قانونی امداد فراہم کی

مہاراشٹر کے اورنگ آباد اور ممبئی سے قریب مسلم آبادی والے ممبرا سے گرفتار ۹؍ مسلم نوجوانوں کو آج اورنگ آباد کی خصوصی یو اے پی اے عدالت نے۱۴؍ دنوں کے لیئے پولس تحویل میں دیئے جانے کے احکامات جاری کیئے نیز اس معاملے میں گرفتار کم سن ملزم کو جوئنائل جسٹس ہوم میں بھیج دیا گیا۔

مالیگاؤں 2008بم دھماکہ معاملہ، بھگوا ملزمین کے وکلاء نے زخمی گواہوں پراین آئی اے کے دباؤ میں جھوٹی گواہی دینے کا الزام عائد کیا

مالیگاؤں2008ء بم دھماکہ معاملے میں آج بھگواء ملزمین کے وکلاء نے بم دھماکوں میں زخمی ہونے والے تین افراد سے جرح کی اور ا ن پر الزام عائد کیا کہ آج وہ خصوصی عدالت میں این آئی اے کے دباؤ میں ملزمین کے خلاف جھوٹی گواہی دے رہے ہیں۔

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

ای وی ایم تنازعہ: کپل سبل نے کہا 'ذاتی حیثیت سے گیا تھا لندن، کانگریس کا کوئی لینا دینا نہیں'۔

  کانگریس کے سینئر لیڈر کپل سبل نے بھارتیہ جنتاپارٹی (بی جے پی)کےلیڈر اوروزیرقانون روی شنکر پرساد کےان الزامات کو منگل کو پوری طرح سے بے بنیاد بتاکہ لندن میں الیکٹرانک ووٹنگ مشین (ای وی ایم )سے متعلق پریس کانفرنس کا اہتمام کانگریس نے کیاتھا اورواضح کیاکہ وہ اس میں ذاتی حیثیت ...

مدارس کو اگربند نہیں کیا گیا توآئی ایس آئی ایس حامی ہوجائیں گے مسلم بچے، وسیم رضوی نے وزیراعظم کو خط لکھ کرکیا مطالبہ

اپنے متنازعہ بیانات  کے سبب اکثرسرخیوں میں رہنے والے اترپردیش شیعہ وقف بورڈ کے چیئرمین وسیم رضوی نے وزیراعظم نریندرمودی کوخط لکھ کربنیادی سطح تک کے سبھی مدارس کوبند کرنے کا مشورہ دیا ہے۔