لکھنؤ،14فروری(ایس او نیوز؍آئی این ایس انڈیا) آئندہ لوک سبھا انتخابات سے پہلے یوپی کی سیاست نئی کروٹ لینے لگی ہے۔

پچھلے کئی دنوں سے بی جے پی کو مسلسل الٹی میٹم دینے والے سہیل دیو بھارتیہ سماج پارٹی کے صدر اور یوگی حکومت میں وزیر اوم پرکاش راج بھر نے سی ایم یوگی آدتیہ ناتھ کو خط لکھ کر کہا کہ وہ پسماندہ طبقے بہبود محکمہ کا چارج چھوڑ رہے ہیں۔ ان کے اس خط کے بعد یہ بحث ہونے لگی ہے کہ جلد ہی راج بھر اپنا کابینہ وزیر کا عہدہ اور بی جے پی کا ساتھ چھوڑ کر سکتے ہیں۔سہیل دیو ہندوستانی سماج پارٹی کے صدر ریاستی حکومت میں کابینہ وزیر ہیں۔

ان کے پاس پسماندہ طبقے بہبود اور معذور بااختیار محکمہ تھا۔ جمعرات کو انہوں نے وزیر اعلی یوگی آدتیہ ناتھ کو خط لکھ کر اپنی ناراضگی ظاہر کی۔راج بھر نے اپنے خط میں لکھاکہ حکومت کے قیام کے بعد مجھے معذور بااختیار محکمے کے ساتھ ساتھ پسماندہ طبقے بہبود محکمہ کا بھی چارج سونپا گیا، حکومت کی طرف سے پچھڑے طبقے کے طلبا و طالبات کی اسکالر شپ، فیس آفسیٹ ضروری طور پر نہ کئے جانے اور پسماندہ ذاتوں کے 27 فیصد ریزرویشن کے کوٹے کی تقسیم سماجی انصاف کمیٹی کی رپورٹ کے مطابق نہ کئے جانے سے پسماندہ ذات کے لوگوں میں غصہ ہے۔

ناراضگی ظاہر کرنے کے بعد انہوں نے خط میں آگے لکھاکہ آگے بھی آگاہ کرانا ہے کہ پسماندہ طبقہ کمیشن کی کمیٹی میں میری طرف سے تجویز کردہ ناموں میں سے ایک بھی نام شامل نہیں کیا گیا، مجھ سے پچھڑے طبقے کے لوگوں کو بہت توقعات ہیں، لیکن حکومت کی پسماندہ طبقے کے لوگوں کے مفادات کی مسلسل نظر انداز کی وجہ سے میں انہیں ان کا حق نہیں دلا پا رہا ہوں، پسماندہ طبقے کے لوگوں کے ساتھ ہو رہے امتیاز اور نظر انداز کو لے کر پسماندہ طبقے بہبود محکمہ کا چارج آپ کو سونپ رہا ہوں۔