کاروار میں ڈی سی کی نگرانی میں ضلع کے تمام چیف آفیسران کی میٹنگ : میونسپالٹی کے کاموں کی فہرست ضلع انتظامیہ کو سونپنے کی ہدایت

Source: S.O. News Service | By Abu Aisha | Published on 14th March 2019, 9:24 PM | ساحلی خبریں |

کاروار :13؍مارچ (ایس او نیوز) مقامی میونسپالٹی کی طرف سے انجام دئیے جارہے تعمیراتی کاموں کی فہرست ارسال کرنے اترکنڑا ڈپٹی کمشنر ڈاکٹر ہریش کمار نے متعلقہ میونسپالٹیوں کے چیف آفیسروں کو ہدایات جاری کی ہیں۔

لوک سبھا انتخابات کے چلتے تمام شہری و مقامی میونسپالٹی چیف آفیسروں کی میٹنگ منعقد کرتے ہوئے ڈی سی نے ہدایات دی ہیں کہ لوک سبھا انتخابات کے پس منظر میں کوئی بھی نئے تعمیراتی کاموں کے  ٹینڈر کا اعلان نہ کیا جائے  اور جو ٹینڈر ہوگئے ہیں اور جاری کاموں کی مکمل فہرست ضلع انتظامیہ کو سونپنا جائے۔

انہوں نے بتایاکہ پینے کے پانی سمیت عوام کی اشد ضروری کاموں کو انجام دینے کے لئے کوئی رکاوٹ نہیں ہے ، مگر اس کا خاص خیال رکھیں کہ  سہولیات فراہم کرتے وقت  ضابطہ اخلاق کی خلاف ورزی نہ ہوتی ہو اور کام انصاف پر مبنی ہو۔ چونکہ اس وقت تمام میونسپالٹیوں میں انتظامیہ آفیسر س ہیں  اس لئے چیف آفیسرس  جو بھی فیصلے کریں قانون کے مطابق کریں، اور اس کو انتظامیہ افسرس  کے سامنے رکھیں۔

انتخابات کے متعلق بتایا کہ لوک سبھا انتخابات کو لے کر بڑے بڑے جلوس، جلسے ، ریلی سمیت مختلف پروگرامات کے لئے سیاسی جماعتوں کو منظوری دینے میں یکساں مواقع فراہم کریں ، اپنے اپنے علاقوں میں ضابطہ اخلاق کے مطابق درست فیصلے لیا جائیں۔ میٹنگ میں ایڈیشنل  ڈی سی ناگراج سنگریر، شہری ترقی بورڈ یوجنا کے ڈائرکٹر ورکت مٹھ، معاون انجنئیر آر پی نایک ، کاروار بلدیہ کمشنر ایس یوگیشور سمیت مختلف شہروں کے چیف آفیسرس موجود تھے۔

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔