بھٹکل: ریاست کے مشہور سد گنگامٹھ کے شری کمار سوامی جی کی وفات پر رابطہ ملت اترکنڑا کا اظہار تعزیت
بھٹکل :22؍جنوری (ایس او نیوز) ریاست کے قدآور ، معروف سد گنگا مٹھ کے شری کمار سوامی جی کے دارِ فانی سے کوچ کر جانے پر رابطہ ملت اترکنڑا ضلع کے عہدیداران نے اظہار تعزیت کرتے ہوئے کہا ہے کہ سوامی جی ملک کی ایک قوت کی مانند تھے۔
رابطہ ملت کی طرف سے جاری کردہ پریس ریلیز میں صدر وکیل اے پی مجاور، جنرل سکریٹری طلحہ سدی باپا اور پی آر اومحمد رضامانوی نے کہا ہے کہ سوامی جی کی زندگی ذات ، دھرم سے اوپر تھی ، وہ ہمیشہ انسان دوستی اور انسانی پیار کا پیغام دیاکرتے تھے۔ ان کے مٹھ میں ہر دھرم اور ذات کے ہزاروں بچوں کو تعلیم اور طعام کا انتظام تھا۔ وہ اپنی جگہ خود ایک سرکار کی طرح کام کیا کرتےتھے۔ انہوں نے اپنی زندگی میں ہمیشہ مذہبی یک جہتی اور بھائی چارگی کا پیغام دیا ہے۔ سوامی جی نے جو کام انجام دئیے ہیں اس کو جاری رکھنے کی خواہش ظاہر کی ہے۔ گھروالوں اور بھگتوں سے تعزیت کرتے ہوئے کہاگیا ہے کہ اس غم کی گھڑی میں انہیں صبر حاصل ہو۔رابطہ ملت اترکنڑا نے بھی انہیں بھارت رتن کے ایوارڈ سے نوازنے کا مطالبہ کیا ہے۔