اترکنڑا ضلع ڈی سی ڈاکٹر ہریش کمار کا بھٹکل دورہ : انتخابی انتظامات کا معائنہ
بھٹکل:22؍مارچ (ایس او نیوز)لوک سبھاانتخابات کی تیاریوں میں مصروف اترکنڑا ضلع ڈپٹی کمشنر ڈاکٹر ہریش کمار پیر کو بھٹکل کا دورہ کرتے ہوئے حساس اور شدید حساس پولنگ بوتھ کا معائنہ کیا۔
رائے دہی مراکز کا دورہ کرنے کے بعد ڈی سی نے تحصیلدار دفتر میں انتخابی افسران کے ساتھ میٹنگ کی۔ جہاں پرامن انتخابات انعقاد کے سلسلے میں کئے جانے والے کاموں کے متعلق غوروفکر کیاگیا ۔ اس کے بعد شری گرو سدھیندرا کالج میں موجود اسٹرانگ روم جا کر وہاں کے انتظامات کا معائنہ کیا۔ اس موقع پر بھٹکل کے اسسٹنٹ کمشنر ساجد ملا، ڈی وائی ایس پی ولنٹائن ڈیسوزا وغیرہ ساتھ تھے۔