نئی دہلی،17؍جنوری (ایس او نیوز؍آئی این ایس انڈیا)وشو ہندو پریشد (وی ایچ پی)نے حج سبسڈی واپس لینے کے مرکز کے فیصلہ کا آج خیر مقدم کیا اور کہا کہ اس سے بچنے والے پیسے کااستعمال غریب ہندو لڑکیوں کی تعلیم پر کیا جانا چاہئے۔وی ایچ پی کے بین الاقوامی ایگزیکٹو چیئرمین پروین توگڑیا نے فیصلے کاخیر مقدم کرتے ہوئے کہاکہ ’دیر آئے درست آئے‘۔انہوں نے کہا کہ یہ ہندوؤں کی مشترکہ مطالبے کا نتیجہ ہے۔توگڑیا نے ایک بیان میں کہاکہ ہم امید کرتے ہیں کہ اس قدم کے بعد رام مندر تعمیر اور گؤ کشی روکنے کے لیے قومی قانون آئے گا۔انہوں نے کہا کہ حج سبسڈی واپس لینے سے بچنے والے پیسے کا استعمال غریب ہندو لڑکیوں کی تعلیم پر ہوناچاہیے۔