جوکووچ اور نڈال امریکی اوپن کے دوسرے راؤنڈ میں پہنچے
نیویارک، 30؍اگست(ایس او نیوز/آئی این ایس انڈیا)سابقہ چمپئن نوو اک جوکووچ ہاتھ لگی میں چوٹ سے باہر نکلتے ہوئے امریکی اوپن کے دوسرے راؤنڈ میں پہنچ گئے ہیں جبکہ اسپین کے رافیل نڈال اور جرمنی کی اینجیلک کربر نے بھی شدید گرمی سے جوجھتے ہوئے اگلے راؤنڈ میں جگہ بنالی ہے ۔شدید گرمی کی وجہ سے فرنچ اوپن چمپئن گاربان مگروجا کو ڈاکٹر کی خدمات لینی پڑی۔دنیا کے نمبر ایک کھلاڑی جوکووچ نے پولینڈ کے جرجی جانووج کو 6.3,5.7,6.2,6.1سے شکست دی۔جوکووچ نے اعتراف کیا کہ وہ پوری طرح فٹ نہیں تھے اور اولمپک سے پہلے لگی کلائی کی چوٹ سے ابھی باہر نہیں نکل پائے ہیں ۔وہیں 2010اور 2013کے چمپئن نڈال نے پہلے دور میں ازبکستان کے ڈینس استومن کو 6.1,6.4,6.2سے شکست دی۔اب ان کا سامنا اٹلی کے اندریاس سیپی سے ہوگا۔کلائی کی چوٹ کی وجہ سے نڈال فرنچ اوپن سے جلدی باہر ہو گئے تھے اور ومبلڈن میں نہیں کھیل سکے تھے لیکن ریو اولمپکس میں ڈبلز میں طلائی تمغہ جیت کر انہوں نے واپسی کی۔دوسری سیڈحاصل آسٹریلیا ئی اوپن چمپئن کربر اس وقت سلووینیا کی پولونا ہرکوگ سے 6.0,1.0سے آگے چل رہی تھیں جب سلووینیائی کھلاڑی نے کورٹ چھوڑ دیا۔اب کربر کا سامنا کروشیا کی مرجانا لچی بارونی سے ہوگا۔ا سپین کی تیسری سیڈ مگروجا نے بلجیم کی کوالیفائر ایلسے مٹیس کو2.6,6.0,6.3سے شکست دی، لیکن اسے پہلے سیٹ کے بعد ڈاکٹر کی مدد لینی پڑی۔اب مگروجا کا سامنا لاٹویا کی اناستا سیواستووا سے ہوگا۔
فرانس کے 13ویں سیڈ حاصل رچرڈ گاسکیت کو برطانیہ کے 84ویں درجہ بندی والے کائل ایڈمنڈ نے 6.2,6.2,6.3سے شکست دے کر بڑا الٹ پھیر کیا۔امریکہ کے 20ویں سیڈحاصل جان اسنیر نے 18برس کے ہم وطن فرانسس ٹیافو کو3.6,4.6,7.6,6.3,7.6سے شکست دی۔کروشیا کے ساتویں سیڈ حاصل مارن سلچ نے برازیل کے روجیریو ڈو ٹرا سلوا کو6.4,7.5,6.1سے شکست دی۔فرانس کے 10ویں سیڈ حاصل گایل مونفلس نے لکزیمبر گ کے جائلس مولر کو6.4,6.2,7.6سے شکست دی۔2004کی چمپئن سویتلانا کو جنیتسووا نے 58منٹ تک چلے میچ میں فرانسسکا شیاوون کو6.1,6.2سے شکست دی۔ڈبلز ومبلڈن چمپئن پیترا کیو توا نے ییلینا اوستاپنکو کو 7.5,6.3سے شکست دی جبکہ دو بار کی رنر اپ کیرولن ووجنیاکی نے امریکی کوالیفائر ٹیلر ٹاؤن سینڈ کو4.6,6.3,6.4سے شکست دی۔