یوایس اوپن:جوآن مارٹن کو شکست دے کررافیل نڈال فائنل میں پہنچے،کیون اینڈرسن سے خطابی مقابلہ

Source: S.O. News Service | By Shahid Mukhtesar | Published on 10th September 2017, 3:30 PM | اسپورٹس |

نیویارک،9ستمبر(ایس او نیوز؍آئی این ایس انڈیا)اسپین کے اسٹارٹینس کھلاڑی رافیل نڈال نے سیمی فائنلز میں جوآن مارٹن ڈیل پٹرولروکو 4-6، 6-0، 6-3، 6-2 سے شکست دے کر یوایس اوپن کے فائنل میں داخلہ حاصل کرلیا،اب وہ خطاب جیتنے سے صرف ایک قدم دور ہیں۔ 31سالہ چمپئن کھلاڑی کایہ 32واں گرینڈ سلیم فائنل ہو گا،نڈال اب اپنے کیریئرکا 23واں اور اس سال کا تیسرا فائنل کھیلیں گے۔بتادیں کہ اس سال وہ10واں فرانسیسی اوپن خطاب بھی جیتے تھے۔ورلڈ نمبر ایک نڈال کااب 32سالہ کیون اینڈرسن سے اتوراکوسامناہوگا،جو 52سال میں گرینڈ سلیم خطاب میں جگہ بنانے والے پہلے جنوبی افریقی کھلاڑی ہیں۔اینڈرسن نے اسپین کے 12ویں ترجیح حاصل پابیلو کارانزوزو ٹوسٹاکو 4-6، 7-5، 6-3، 6-4 سے شکست دے کر پہلی بار گرینڈ سلیم فائنل میں جگہ بنائی ہے۔ اتوار کو ہونے والے فائنل کے لئے نڈال کو سب سے مضبوط دعویدارماناجارہاہے، جس نے اینڈرسن کے خلاف ابھی تک تمام مقابلوں میں جیت درج کی ہے،تاہم ہسپانوی ماہرین نے کہا کہ وہ اپنے مخالف کو ہلکے میں نہیں لے رہے ہیں۔کواٹرفائنل میں چارسیٹ میں روجرفیڈررکوہرانے والے2009کے چیمپئن ڈیل پوٹرو سیمی فائنلز کے دوران تھکے ہوئے لگ رہے تھے۔انہوں نے پہلی سیٹ جیتی لیکن اس کے بعد تھکاوٹ ان پر حاوی ہونے لگی، اور نڈال کی طاقت اورچستی کا کوئی جواب نہیں تھا۔نڈال نے اس میچ میں 45فاتح بنائے اور 20غیر معمولی غلطیاں کی، جبکہ ڈیل پوٹررو 23ہی ونرلگاپائے اور انہوں نے40غلطیاں کی ہیں۔

ایک نظر اس پر بھی

انگلینڈ نے آسٹریلیا کے خلاف تیسرے ون ڈے میں 481 رنز بناکر عالمی ریکارڈ بنادیا

آسٹریلیا کے خلاف سیریز کے تیسرے ون ڈے انٹرنیشنل میں انگلینڈ نے 6 وکٹ پر481 رنز بنا کر کئی ریکارڈز پاش پاش کردیے، یہ ایک روزہ بین الاقوامی کرکٹ میں بڑے مجموعے کا نیا ریکارڈ شمار ہوگا، اس سے قبل پاکستان کے خلاف 3 وکٹ پر 444 رنز کا عالمی ریکارڈ بھی انگلینڈ کے قبضے میں ہی تھا تاہم انگلش ...

پہلی بار فٹ بال کپ کیلئے قرۃ العین بلوچ کی آواز میں گانا ریلیز

روس میں جاری 21 ویں فٹ بال ورلڈ کپ کا فیفا کی جانب سے جاری کردہ آفیشل گانا ’لو اٹ اپ‘ یوں تو کپ شروع ہونے سے ایک ماہ قبل ہی جاری کردیا گیا تھا۔تاہم اب ملٹی نیشنل مشروب کمپنی ’کوکو کولا‘ نے بھی پہلی بار پاکستان میں فٹ بال ورلڈ کپ کا خصوصی اینتھم سانگ جاری کردیا۔

بال ٹیمپرنگ کے الزام پر سری لنکن ٹیم بھڑک اٹھی

ویسٹ انڈیز سے دوسرے ٹیسٹ میں بال ٹیمپرنگ کے الزام پر سری لنکن ٹیم بھڑک اٹھی۔ویسٹ انڈیز کے خلاف سیریز کے دوسرے ٹیسٹ میں بال ٹیمپرنگ کاالزام عائد ہونے پر سری لنکن ٹیم نہ صرف غصے سے بھڑک اٹھی بلکہ اس نے میدان میں بھی اترنے سے انکار کردیا تھا۔