صومالیہ: امریکی ڈرون حملہ، الشباب کے 100 سے زائد شدت پسند ہلاک

Source: S.O. News Service | By Shahid Mukhtesar | Published on 23rd November 2017, 12:11 PM | عالمی خبریں |

واشنگٹن 22؍نومبر (ایجنسی) امریکی فوج کی افریقی کمان (افریکوم) کا کہنا ہے کہ صومالیہ میں امریکی فوج کے ایک ڈرون حملے میں الشباب کے 100 سے زائد شدت پسند ہلاک ہوئے۔فوجی اہل کاروں نے ’وائس آف امریکہ‘ کو بتایا کہ منگل کے روز کی گئی اس کارروائی میں ملکی ساحل کے کنارے پر واقع خطے میں قائم الشباب کے تربیتی کیمپ کو نشانہ بنایا گیا، جو دارالحکومت موغادیشو سے 200 کلومیٹر شمال مغرب میں واقع ہے۔’افریکوم‘ کے ترجمان، لیفٹیننٹ کمانڈر، اینتھونی فالوو نے بتایا کہ ’’جو بات عیاں ہے، اس میں ہمیں پتا چلا ہے کہ یہ شدت پسند تھے‘‘۔امریکی فوج نے کہا ہے کہ یہ کارروائی صومالی حکومت کے تعاون سے کی گئی ہے، تاکہ القاعدہ سے منسلک دھڑوں کے محفوظ ٹھکانوں کو ہدف بناتے ہوئے ملک کو لاحق خطرات کا مقابلہ کیا جاسکے، جسے دنیا بھر میں دہشت گردی کے خلاف حملوں کے لیے استعمال کیا جاسکتا ہے۔امریکہ نے رواں سال الشباب کے خلاف اندازاً 30 کارروائیاں کی ہیں۔اس سے قبل اِسی ماہ، شبیل کے زیریں خطے میں کیے گئے ڈروں حملے کے دوران امریکہ افواج نے متعدد شدت پسند ہلاک کیے، جو علاقہ موغادیشو کے شمال میں تقریباً 30 کلومیٹر شمال میں واقع ہے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...