سعودی شاہ اور ولی عہد سے امریکی ایوان نمائندگان کے اسپیکر پال ریان کی ملاقات

Source: S.O. News Service | By Shahid Mukhtesar | Published on 25th January 2018, 8:55 PM | خلیجی خبریں | عالمی خبریں |

ریاض ،25؍جنوری (ایس او نیوز؍ آئی این ایس انڈیا )سعودی عرب کے فرماں روا شاہ سلمان بن عبدالعزیز اور ولی عہد شہزادہ محمد بن سلمان سے امریکی ایوان نمائندگان کے اسپیکر پال ریان نے بدھ کے روز اپنے وفد کے ساتھ ملاقات کی ہے اور ان سے دونوں اتحادی ممالک کے درمیان دوطرفہ تعاون اور باہمی دلچسپی کے امور پر تبادلہ خیال کیا ہے۔ملاقات میں سعودی وزیر داخلہ شہزادہ عبدالعزیز بن سعود بن نایف بن عبدالعزیز ، مکہ ریجن کے نائب گورنر شہزادہ عبداللہ بن بندر بن عبدالعزیز ، امریکا میں سعودی سفیر شہزادہ خالد بن سلمان ، جنرل انٹیلی جنس کے سربراہ خالد الحدریان موجود تھے۔امریکا کی جانب سے الریاض میں امریکی سفارت خانے کے ناظم الامور کرسٹوفر ہینزل ، ایوان نمائندگان کی آرمڈ سروسز کمیٹی کے چئیرمین میک تھورن بیری ، انٹیلی جنس کمیٹی کے چیئرمین ڈیون ننس اور اسپیکر کے ساتھ آنے والے کانگریس کے بعض دوسرے ارکان ملاقات میں شریک تھے۔پال ریان جمعرات کو ابو ظبی جائیں گے جہاں وہ امریکا اور سعودی عرب کے قریبی اتحادی ملک متحدہ عرب امارات کی قیادت سے بات چیت کریں گے۔

ایک نظر اس پر بھی

یمن : حوثیوں کے لیے کام کرنے والے ایرانی جاسوس عرب اتحاد کے نشانے پر

یمن میں آئینی حکومت کو سپورٹ کرنے والے عرب اتحاد کے لڑاکا طیاروں نے تعز شہر کے مشرقی حصّے میں جاسوسی کے ایک مرکز کو نشانہ بنایا۔ اس مرکز میں ایرانی ماہرین بھی موجود ہوتے ہیں جو باغی حوثی ملیشیا کے لیے کام کرتے ہیں۔

شاہ سلمان اور صدر السیسی کے درمیان ٹیلیفونک رابطہ

سعودی عرب کے فرمانروا خادم الحرمین الشریفین شاہ سلمان بن عبدالعزیز آل سعود اور مصری صدر عبدالفتاح السیسی کے درمیان ٹیلیفون پر رابطہ ہوا ہے۔ اس موقع پر شاہ سلمان نے مصر کی سلامتی اور استحکام کی خواہش کا اظہار کیا ہے۔

ایران میں رواں سال تین کم سن بچوں کو پھانسی پر لٹکا دیا گیا:یو این

ایران میں کم عمر افراد کو سزائے موت دیے جانے اور ان سزاؤں پر عمل درآمد میں ماضی کی نسبت اضافہ دیکھنے میں آیا ہے۔ اقوام متحدہ کی طرف سے جاری کردہ ایک رپورٹ میں بتایا گیا ہے کہ رواں سال 2018 کے پہلے ڈیرھ ماہ میں ایران میں تین کم عمر افراد کو پھانسی دے کر موت سے ہم کنار کردیا گیا۔