بشار الاسد کے حامیوں کی شہریوں کو سنگین نتائج کی دھمکیاں

Source: S.O. News Service | By Shahid Mukhtesar | Published on 30th July 2016, 5:09 PM | عالمی خبریں |

سرکاری فوج کے زیرکنٹرول علاقوں میں شہریوں کی زبانی کاٹنے کے مطالبات
دمشق30جولائی(ایس او نیوز ؍آئی این ایس انڈیا)شام میں حال ہی میں صدر بشارالاسد کی جانب سے باغیوں کے لیے عام معافی کے اعلان کے ساتھ ساتھ ان کے حامیوں کی طرف سے عام شہریوں کو سنگین نتائج کی دھمکیاں دی جا رہی ہیں۔ صدر اسد کی طرف سے حکومت مخالف باغیوں کے لیے ہتھیار ڈالنے کی صورت میں معافی دیے جانے کے اعلان پرسوشل میڈیا پر طنزیہ رد عمل سامنے آیا ہے۔ ناقدین کا کہنا ہے کہ چھ سال تک قوم کا بے دریغ خون بہانے والے صدر بشارالاسد اب کس منہ سے عام معافی کی بات کرتے ہیں۔ ان کے عام معافی کے اعلان کے بہکاوے میں شامی قوم پہلے آئی اور نہ آئندہ آئے گی۔صدر اسد کے عام معافی کے بیان کے ساتھ ساتھ شام کے سرکاری فوج کے زیرکنٹرول علاقوں میں سرگرم اسدی گماشتوں کی طرف سے عام شہریوں کو سنگین نتائج کی دھمکیاں دی جا رہی ہیں۔ میڈیا رپورٹس میں بتایا گیا ہے کہ شمالی حلب کے جن علاقوں کو حال ہی میں شامی فوج نے روسی فوج اور ایران نواز ملیشیا کی معاونت سے باغیوں سے چھڑایا ہے، وہاں کی آبادی کو بشار الاسد کے حمایتی سنگین نتائج کی دھمکیاں دے رہے ہیں۔ صدر اسد کے حامی عناصر عام آبادی کو کھلے عام کہہ رہے ہیں کہ انہوں نے شامی فوج کی آمد پر جشن نہیں منایا۔ اس پرانہیں اس کی سزا دی جائے گی۔ ان کی زبانیں کاٹ دی جائیں گی اور جشن نہ منانے کی بھاری قیمت چکانا پڑے گی۔بشار الاسد کے اعوان انصاری جانب سے دھمکی آمیز زبان استعمال کئے جانے پر حلب کے شہریوں نے سخت خوف اورخطرات کا اظہار کیا ہے۔ ان کا کہنا ہے کہ بشارالاسد کے وفادار عناصر داعش سے زیادہ خطرناک ثابت ہوسکتے ہیں۔ذرائع کے مطابق اسدی عناصر عام آبادی میں حکومت کے مخالفین کو تلاش کرنے کے لیے کوشاں ہیں تاکہ ان کے خلاف انتقامی کارروائیوں کی راہ ہموار کی جاسکے۔

لیبیا میں جاری تعطل کے خاتمے کے لیے مصر کی میزبانی میں مذاکرات
قاہرہ30جولائی(ایس او نیوز ؍آئی این ایس انڈیا)خانہ جنگی کا شکار لیبیا میں جاری سیاسی تعطل دور کرنے کے لیے مصر اعلیٰ سطح کے مذاکرات کی میزبانی کررہا ہے۔ان میں لیبیاکے متحارب دھڑوں سے تعلق رکھنے والی اعلیٰ سیاسی اور عسکری شخصیات شرکت رہی ہیں۔لیبیا میں اقوام متحدہ کی ثالثی کے نتیجے میں قائم ہونے والی قومی اتحاد کی حکومت کے سربراہ فائزالسراج نے قاہرہ میں گذشتہ دو روز کے دوران لیبی پارلیمان کے سربراہ عقیلہ صالح سے بحران کے خاتمے کے لیے بات چیت کی ہے۔عقیلہ صالح جمعرات کی شب عرب لیگ کے سربراہ سے بھی ملاقات کرنے والے تھے۔مشرقی شہر بن غازی (پہلے طبرق؟)میں عقیلہ صالح کی سربراہی میں قائم پارلیمان کے ترجمان عبداللہ بہلک کاکہناہے کہ کئی مہینوں کے بعد دونوں رہ نماؤں کے درمیان یہ پہلی ملاقات ہے اور انھوں ںے طرابلس اور طبرق میں دومتوازی پارلیمانوں کے وجود میں آنے کے بعدبراہ راست چینل کھولنے پر غور کیا ہے۔لیبیا کے طاقتور جنرل خلیفہ حفتر نے صالح اور فائزالسراج کے نائبین سے الگ الگ ملاقاتیں کی ہیں۔خلیفہ حفتر کو مشرقی پارلیمان کی حمایت حاصل ہے اور مصر نے بھی مشرقی لیبیا میں اسلامی جنگجوؤں کے خلاف لڑائی میں ان کی حمایت کی تھی۔مصر نے گذشتہ دوسال کے دوران ان کے تحت فوج کو تربیت ،ہتھیار اور فوجی سازوسامان مہیا کیا ہے۔واضح رہے کہ جنگ زدہ ملک میں2014ء سے دو متوازی حکومتیں اور پارلیمان قائم ہیں۔طرابلس میں پہلے اسلامی جنگجوگروپوں پر مشتمل فجر لیبیا کے تحت حکومت تھی۔اس کا لیبیا کے مغربی شہروں پر کنٹرول تھا۔دسمبر میں اقوام متحدہ کی ثالثی میں فائزالسراج کی سربراہی میں اس کی جگہ ایک نئی حکومت تشکیل پائی تھی۔دوسری جانب لیبیا کے مشرقی شہروں میں وزیراعظم عبداللہ الثنی کی حکومت تھی اور اس کوعقیلہ صالح کی سربراہی میں نیشنل کانگریس (منتخب قومی اسمبلی)کی حمایت حاصل رہی ہے۔اس اسمبلی کو بین الاقوامی سطح پربھی تسلیم کیا جاتا ہے۔تاہم اس نے قومی حکومت کی ابھی تک توثیق نہیں کی ہے جس کی وجہ سے ملک میں ایک تعطل پیداہوگیاہے۔اس پارلیمان کو اقوام متحدہ کی ثالثی میں طے شدہ معاہدے کی ایک دفعہ پر سب سے زیادہ اعتراض ہے۔اس کے تحت پارلیمان کو فوج پر اتھارٹی سے محروم کردیا گیا ہے۔قاہرہ میں ملاقاتوں سے قریبی جانکاری رکھنے والیایک لیبی صحافی عبدالباسط بن حمل کا کہنا ہے کہ ان مذاکرات میں یہ طے کرنے کی کوشش کی جارہی ہے کہ لیبیا کی فوج کی کمان کون کرے گااور وزارت دفاع کا قلم دان کس کوسونپا جائے گا؟۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...