امریکی بمبار طیاروں کی شمالی کوریا کی سرحد کے قریب پرواز

Source: S.O. News Service | By Shahid Mukhtesar | Published on 24th September 2017, 10:29 PM | عالمی خبریں |

واشنگٹن،24؍ستمبر(آئی این ایس انڈیا)اپنی فوجی طاقت کے اظہار کے لیے امریکا کے بمبار اور لڑاکا طیاروں نے گزشتہ روز دونوں کوریائی ریاستوں کی سرحد پر شمالی کوریا کے قریب ترین علاقے میں پرواز کی۔ پینٹاگان کے مطابق رواں صدی کے دوران ایسا پہلی مرتبہ ہوا ہے۔پینٹاگان کی طرف سے جاری ہونے والے ایک بیان میں کہا گیا ہے کہ بین الاقوامی فضاؤں میں پرواز کرنے والے اس مشن کا مقصد دراصل یہ بات واضح کرنا تھا کہ صدر ڈونلڈ ٹرمپ شمالی کوریا کے ’’عاقبت نا اندیشانہ‘‘ رویے کو کس قدر سنجیدگی سے لیتے ہیں۔

امریکی محکمہ دفاع کی خاتون ترجمان ڈانا وائٹ کی طرف سے ایک بیان میں مزید کہا گیا، ’’یہ مشن امریکی عزم کا اظہار اور ایک واضح پیغام ہے کہ صدر کے پاس کسی بھی خطرے کو شکست دینے کے لیے بہت سے فوجی راستے موجود ہیں۔‘‘شمالی کوریا کے حالیہ جوہری اور میزائل تجربات کے حوالے سے وائٹ ہاؤس کی طرف سے جاری ہونے والے ایک بیان میں کہا گیا، ’’شمالی کوریا کا ہتیھاروں کا پروگرام ایشیا پیسیفک کے علاقوں اور پوری عالمی برادری کے لیے ایک گھمبیر خطرہ ہے۔ امریکی سر زمین اور اپنے اتحادیوں کے دفاع کے لیے ہم فوجی صلاحیتوں کے مکمل استعمال کے لیے تیار ہیں۔‘‘امریکی صدر ڈونلڈ ٹرمپ نے اقوام متحدہ کی جنرل اسمبلی سے اپنے اولین خطاب میں کہا تھا کہ اگر امریکا کو اپنے یا اپنے اتحادیوں کے دفاع پر مجبور کیا گیا تو شمالی کوریا کو ’’مکمل طور پر تباہ‘‘ کر دیا جائے گا۔ اس کے ردعمل میں شمالی کوریائی رہنما کِم جونگ اْن نے کہا تھا کہ ٹرمپ کو شمالی کوریا کو دھمکانے کی ’’بھاری قیمت‘‘ چکانا پڑے گی۔ شمالی کوریا کے وزیر خارجہ نے بھی صحافیوں سے گفتگو میں کہا کہ شمالی کوریا کی طرف سے ٹرمپ کی دھمکی کا جواب بحرالکاہل میں طاقتور ترین ہائیڈروجن بم کے دھماکے سے دیا جا سکتا ہے۔پینٹاگان کے مطابق ہفتہ 23 ستمبر کو گوام ایئربیس سے اڑنے والے B۔12 بمبار طیاروں اور اوکیناوا جاپان سے اڑنے والے F۔15C ایگل فائٹرز نے شمالی کوریا کی مشرقی سرحد کے قریب سمندر کے اوپر بین الاقوامی فضاؤں میں پرواز کی۔ امریکا کے مطابق 21ویں صدی کے دوران یہ پہلا ایسا موقع تھا کہ امریکی بمبار اور لڑاکا طیاروں نے شمالی اور جنوبی کوریا کے درمیان غیر فوجی علاقے کے اس قدر قریب ترین علاقے میں پرواز کی ہے۔

ایک نظر اس پر بھی

سری لنکا چرچ بم بلاسٹ میں ڈرگ مافیاکا ہاتھ ہے۔ صدر سیری سینا کا بیان

انگریزی اخبار دی نیو انڈین ایکسپریس میں شائع ایک رپورٹ کے مطابق سری لنکا کے صدر مائتھری پالا سیری سینا نے کہا ہے کہ عیسائی تہوار ایسٹر کے موقع پر چرچ کے اندر جو ہولناک بم دھماکے ہوئے تھے اس کے پیچھے بین الاقوامی ڈرگ مافیاکاہاتھ ہے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...

ورلڈ کپ کرکٹ ٹورنامنٹ کا فائنل بے حد دلچسپ؛ ٹائی ہونے کے بعد سوپر اوور میں بھی اسکور برابر؛ باونڈریس زائد ہونے پر انگلینڈ پہلی مرتبہ بنا ورلڈ چیمپئن

لندن کے لارڈس میدان میں منعقد ورلڈ کپ 2019 کرکٹ ٹورنامنٹ کا فائنل میچ ڈرامائی انداز میں ٹائی ہونے کے بعد  انگلینڈ  نے سوپر اوور کے بعد نیوزی لینڈ کو سنسنی خیز مقابلے   میں شکست دے دی اور پہلی بار عالمی کپ جیتنے میں کامیاب ہوگئی۔ فائنل مقابلہ اتنا دلچسپ اور کانٹے کا رہا کہ  ...

صومالیہ میں ہوٹل پر دہشت گردانہ حملہ، 6 ہلاک 50 زخمی

صومالیہ کے جنوبی بندرگاہ كسمايو میں ایک ہوٹل پر ہونے والے دہشت گردانہ حملہ میں کم از کم چھ افراد کی موت اور تقریبا 50 دیگر زخمی ہو گئے۔ یہ حملہ جمعہ کو کیا گیا۔ مقامی حکام کے حوالہ سے میڈیا نے یہ اطلاع دی ہے۔