2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

Source: S.O. News Service | Published on 21st January 2019, 10:23 PM | ملکی خبریں | عالمی خبریں |

لندن 21؍جنوری (ایس او نیوز) امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی مرتبہ کسی واحد پارٹی کو اتنی  بڑی اکثریت سے کامیابی ملی تھی۔

لندن میں وڈیو کانفرنسنگ کے ذریعے   اخبارنویسوں سے گفتگو  کرتےہوئے سید شجاع  نے بتایا کہ وہ  نمونے کے طور پر بتا سکتا ہے کہ وہ   ووٹنگ مشین  کو کیسے ہیک کرسکتا ہے۔اس موقع پر سنئیر کانگریس لیڈر کپل سبل بھی موجود تھے۔

الیکٹرانک ووٹنگ مشین ہیک کرنے کے تعلق سے  سید شجاع کی پریس کانفرنس پر Thequint  نے تفصیلی رپورٹ شائع کی ہے۔

رپورٹ میں شجاع کا دعویٰ ہے  کہ جب   الیکٹرانک ووٹنگ مشین  کے ساتھ چھیڑ چھاڑ کے معاملے پر وہ اپنے ایک ساتھی کے ساتھ   حیدرآباد میں بی جے پی  کے اُس لیڈر  سے ملنے گئے تھے جن کو  مشین ہیک کرنے کے تعلق سے جانکاری تھی، جب  انہوں نے  اس تعلق سے سوال کرنے کی کوشش کی  تو  اُن پر گولیاں چلائی گئیں، شجاع کے مطابق اس کا ساتھی اُس  حملے میں ہلاک ہوگیا، مگر وہ (شجاع) زخمی ہوگیا تھا۔ شجاع کا کہنا ہے کہ  اس موقع پر واقعے پر پردہ ڈالنے کے لئے حیدرآباد میں فرقہ وارانہ  واقعہ  رونما کرایا گیا، شجاع کے مطابق معاملے کی سنگینی کو دیکھتے ہوئے اسے  ہندوستان چھوڑنا پڑا اور  امریکہ میں رہائش اختیار کرنی پڑی۔

سائبر کے اس ماہر نے اس بات کا بھی حیرت انگیز دعویٰ کیا ہے کہ  2014 میں بی  جے پی لیڈر گوپی ناتھ مُنڈے کی جو حادثاتی موت ہوئی تھی، وہ حادثہ نہیں تھا، بلکہ وہ قتل تھا۔ شجاع کے مطابق مشینوں کو ہیک کرنے کے بارے میں گوپی ناتھ مُنڈے کو معلوم تھا، اس لئے اُن کا قتل کرایا گیا۔ شجاع کایہ بھی کہنا ہے کہ  اُس وقت نیشنل انویسٹی گیشن ایجنسی (این آئی اے) کی طرف سے تنزیل احمد، گوپی ناتھ  مُنڈے کی موت کی جانچ کررہے تھے اور جیسے ہی اُنہیں پتہ چلا کہ مُنڈے کا قتل ہوا ہے، وہ  اس قتل کی ایف آئی آر درج کرنے والے تھے مگر رپورٹ درج کرنے سے پہلے ہی آفسر تنزیل احمد کو بھی راستے سے ہٹا دیا گیا اور اُن کا بھی قتل کیا گیا۔

ریلائنس کا تعاون :ای وی ایم تیار کرنے والی ٹیم میں شامل ہونے کا دعویٰ کرنے والے  سید شجاع کا کہنا ہے کہ  انتخابات کے دوران  ریلائنس  نے ای وی ایم ہیک  کرنے کے لئے بی جے پی آئی ٹی سیل کو کم فرکوئنسی کے  سگنل سپلائی کئے تھے۔ ڈاٹا سپلائی کرنے کے لئے ریلائنس جیو کے پاس نیٹ ورک ہے ، بی جےپی اس کا بھرپور فائدہ اٹھا رہی ہے۔ بھارت میں ایسی سہولیات حاصل ہونے  والے 9علاقے ہیں۔شجاع کے مطابق  خود ملازموں کو بھی اس بات کا شعور نہیں رہتا کہ ای وی ایم میں گڑ بڑی پیدا کی گئی ہے، وہ سمجھتے ہیں کہ ہم صرف ڈاٹا انٹری کررہے ہیں۔

تین ریاستوں میں بی جے پی کی ہار کا اصل سبب: شجاع کا دعویٰ ہے کہ ہماری ٹیم اگر  بی جے پی کی ہیکنگ کی  کوششوں کو نہ روکتی  تو بی جے پی چھتیس گڑھ ، مدھیہ پردیش اور راجستھان میں بھی جیت حاصل کرتی۔

سید شجاع کا کہنا ہے کہ  2009سے 2014تک وہ الکٹرانک کاپوریشن آف انڈیا لمیٹیڈ کے ساتھ کا م کررہے تھے۔ 

ای وی ایم اور گوری لنکیش  کا قتل : 2014کے لوک سبھا انتخابات میں سبھی ای وی ایم کو  ہیک  کئے جانے کی رپورٹ شائع کرنے کے لئے مقتول صحافی گوری لنکیش تیار تھیں۔ ای وی ایم میں استعمال کئے گئے کیبل کس نے تیار کئے تھے اس کی جانکاری حاصل کرنے کے لئے گوری لنکیشن نے آرٹی آئی کے ذریعے عرضی داخل کی تھی، شجاع کا دعویٰ ہے کہ اسی  کی بنیاد پر ان کا قتل کیا گیا۔

انہوں نے بتایا کہ بلیو ٹوتھ استعمال کرکے ای وی ایم کو  ہیک  کرنا ممکن نہیں ہے۔ان کے مطابق  ای وی ایم کو ہیک  کرنے کے لئے گرافائٹ پر منحصر ٹرانسمٹر کی ضرورت ہوتی ہے اور  2014میں یہی ٹرانسمٹر استعمال کئے گئے تھے۔

الیکشن کمیشن کا انکار: الیکٹرونک ووٹنگ مشین (ای وی ایم) ہیک کرنے کے دعوے کے کچھ دیر بعد ہی آج الیکشن کمیشن نے ایسے کسی اندیشہ کو مکمل طورپر خارج کرتے ہوئے کہاکہ وہ ایسا دعوی کرنے والوں کے خلاف قانونی کارروائی کرنے پر غور کررہا ہے۔

کمیشن نے ایک بیان میں امریکی ہیکر کے ذریعہ لندن میں منعقدہ پریس کانفرنس  کا ذکر کرتے ہوئے کہاکہ الیکشن کمیشن اپنی اس بات پر قائم ہے کہ ملک میں انتخابات کے دوران استعمال کی جانے والی ای وی ایم کے ساتھ چھیڑ چھاڑ نہیں کی جاسکتی۔ ہم یہ بات دہراتے ہیں کہ ای وی ایم کی مینوفیکچرنگ نہایت نگرانی میں اور سیکورٹی کے تحت بھارت الیکٹرانکس لمیٹڈ اور الیکٹرانکس کارپوریشن آف انڈیا لمیٹڈ کے ذریعہ کرائی جاتی ہے۔

ایک نظر اس پر بھی

آندھرا پردیش اسمبلی انتخا بات میں تیلگو دیشم پارٹی کو بھاری شکست کےآثار؛ جگن موہن ریڈی کی وائی ایس آر کانگریس کو مل رہی ہے شاندار کامیابی

آندھرا پردیش میں اسمبلی انتخابات  کے ووٹوں کی گنتی جاری ہے، مگر دوپہر تک ملی اطلاع کے مطابق  یہاں وائی ایس آر کانگریس کے جگن موہن ریڈی بھاری جیت درج کرتے نظر آرہے ہیں اور برسراقتدار پارٹی تیلگودیشم صرف 29 سیٹوں پر سمیٹتی نظر آرہی ہے۔یہاں صرف ان ہی دو پارٹیوں کے درمیان راست ...

انتخابات کے دوران تشدد معاملہ:سپریم کورٹ نے بی جے پی امیدوار ارجن سنگھ کو دی راحت، 28 مئی تک گرفتاری پر لگائی روک

مغربی بنگال کے بیرکپور سے بی جے پی امیدوار ارجن سنگھ کو سپریم کورٹ سے راحت مل گئی ہے۔سپریم کورٹ نے 28 مئی تک ان کی گرفتاری پر روک لگا دی ہے۔غور طلب ہے کہ ارجن سنگھ نے کہا تھاکہ مجھ پر ریاستی حکومت نے 21 کیس درج کئے ہیں۔

رافیل معاملہ: سپریم کورٹ سے اپیل،بند لفافے میں غلط معلومات دینے والے افسران کے خلاف کارروا ئی ہونی چاہیے 

رافیل معاملے پر تنازعہ ختم ہوتا نظر نہیں آ رہا ہے۔اس معاملے میں درخواست گزار یشونت سنہا، ارون شوری اور پرشانت بھوشن نے نظر ثانی کی درخواست پر تحریری دلیلیں سپریم کورٹ میں داخل کی ہیں۔

جبل پورسیمی مقدمہ،دہشت گردی کے الزام سے نچلی عدالت سے بری ملزمین کے خلاف داخل حکومت کی اپیل خارج،جمعیۃ علماء کی کوششوں سے ملزمین کو راحت ملی: گلزار اعظمی

ممنوعہ تنظیم اسٹوڈنٹس اسلامک موومنٹ آف انڈیا (سیمی) سے تعلق رکھنے کے الزام میں گرفتار5/ مسلم نوجوانوں کی نچلی عدالت سے باعزت رہائی کے خلاف حکومت کی جانب سے داخل اپیل کو گذشتہ ہفتہ جبل پور کی سیشن عدالت نے یہ کہتے ہوئے خارج کردیا

سیٹلائٹ ری سیٹ -2بی کا کامیاب تجربہ

ہندوستانی خلائی ریسرچ تنظیم (اسرو) نے چہارشنبہ کو لانچ وہیکل پی ایس ایل وی-سی46 سے زمین کی نگرانی کرنے والے رڈار امیجنگ سیٹلائٹ آر آئی ایس ٹی۔ 2 بی کا کامیاب تجربہ کرکے ایک بار پھر بڑی کامیابی حاصل کی۔

لوک سبھا انتخابات کے نتائج؛ ملک میں پھر ایک بار مودی سرکار؛ کانگریس اور اسکی حلیف جماعتوں کو شرمناک شکست کا سامنا

لوک سبھا انتخابات کی 542 سیٹوں کے لئے  ووٹوں کی گنتی جاری ہے اور اب تک سامنےآئے رجحانات میں بی جے پی اور اس کی حلیف این  ڈی اے  کو زبردست جیت حاصل ہورہی ہے اس کے ساتھ ہی  پھر ایک بار مودی سرکار کا  اقتدار میں آنا طئے ہے۔ کانگریس اور اس کی حلیف جماعتیں اس قدر پیچھے نظر آرہی  ہیں ...

سری لنکا: مسلم مخالف فسادات میں ایک شخص ہلاک، مساجد کو نقصان

حکومتی وزیر رؤف حکیم کے مطابق مسلم مخالف فسادات میں ایک مسلمان ہلاک ہو گیا ہے جبکہ مسلمانوں کی املاک کو بھی نذر آتش کرنے کے واقعات سامنے آئے ہیں۔ رؤف حکیم کا تعلق مسلم کانگریس نامی سیاسی جماعت سے ہے۔ یہ سیاسی پارٹی حکومتی اتحاد میں شامل ہے۔ حکیم کے مطابق مشتعل افراد نے پیر تیرہ ...