کورگ ضلع کے بلدی انتخابات ملتوی
بنگلورو،18؍اگست(ایس او نیوز) سیلاب سے بری طرح متاثر کورگ ضلع کے بلدی انتخابات کو بے مدت ملتوی کرنے کا فیصلہ کیا گیا ہے۔
ریاستی الیکشن کمیشن کی طرف سے جاری بیان کے مطابق مسلسل بارش اور سیلاب کی تباہی سے بدحال ضلع کے کشال نگر ، سوموار پیٹ اور ویراج پیٹ ٹاؤن پنچایتوں کے انتخابات کو ملتوی کردیا گیا ہے۔ یہاں پر حالات سدھرنے کے بعد انتخابات کی تازہ تاریخوں کا اعلان کیا جائے گا۔
ضلع کے ڈپٹی کمشنر کی طرف سے الیکشن کمیشن سے گزارش کی گئی تھی کہ موجودہ صورتحال کو دیکھتے ہوئے ضلع میں انتخابات ملتوی کردئے جائیں۔ اس گزارش کو منظور کرتے ہوئے الیکشن کمیشن نے ضلع میں حالات معمول پر آنے تک بلدی انتخابات کو موخر کرنے کاا علان کیا ہے۔