نوادہ،09؍ دسمبر (ایس او نیوز؍آئی این ایس انڈیا)مرکزی وزیر اوپیندر کشواہا نے اورنگ آباد میں کندریہ ودیالیہ کے قیام کے لئے زمین مہیا کرا پانے میں بہار کی نتیش کمار حکومت کی ناکامی کے خلاف یہاں ہفتہ کو بھوک ہڑتال کی۔فروغ انسانی وسائل کے وزیر مملکت کشواہا نے الزام لگایا کہ ضلع کے دیوکنڈ میں کندریہ ودیالیہ کے قیام کے لئے زمین دینے کی درخواست چار ماہ پہلے بہار حکومت سے کی گئی تھی، لیکن اب تک اس معاملے میں کوئی پیش رفت نہیں ہوئی۔اپنی راشٹریہ لوک سمتا پارٹی کے حامیوں کے ساتھ موجود کشواہا نے کہا کہ ریاستی حکومت کے غیرمعاون رویہ کی وجہ سے یہاں کندریہ ودیالیہ پروجیکٹ پھنسا ہوا ہے،نوادہ ضلع میں بھی یہی صورت حال ہے، اس لئے آج یہاں بھوک ہڑتال کررہے ہیں۔انہوں نے کہا کہ بہار کی حکومت نے زمین کی منظوری کے لئے انتہائی غیر معمولی مطالبہ کیاہے۔انہوں نے کہا کہ اس طرح کی فراہمی ہونی چاہئے کہ اس طرح کے اسکولوں میں، 75فیصد طلبہ اور طالبات ریاست کے اندرکے ہی ہوں۔کشواہا نے کہا کہ اگر ہم یہاں اس طرح کے ایک اختیار پر اتفاق کرتے ہیں، تو ہمیں دوسری ریاستوں کو بھی اسی طرح کی رضامندی دینی پڑتی۔بہار حکومت کو سمجھ نہیں ہے کہ پٹنہ کے علاوہ کہیں اور کے کندریہ ودیالیہ میں دوسری ریاستوں کے طالب علم بمشکل ہی ہوں گے۔وزیر نے کہا کہ دوسری طرف بہار کے طالب علم بڑی تعداد میں دوسری ریاستوں کے کندریہ ودیالیہ میں پڑھتے ہیں،لہذا ان کی شرط ماننے پر ہمارے ہی بچوں کو نقصان ہوتا۔