اترپردیش رام کرشن-شنکر کی زمین، اس کی ثقافتی ترقی ہونی چاہئے:یوگی
متھر ،24؍ فروری (ایس او نیوز؍آئی این ایس انڈیا)اتر پردیش کے وزیر یوگی آدتیہ ناتھ نے پچھلی حکومتوں پر متھرا اور اجودھیا کو نظر انداز کرنے کا الزام لگاتے ہوئے کہا کہ دونوں شہروں میں ان کے جانے پر انہیں کوئی بھی فرقہ وارانہ نہیں کہتا ہے۔وزیر اعلی نے کہاکہ ایک وقت تھا جب لوگ (پچھلی ریاستی حکومتیں)اجودھیا اور متھرا کی ترقی کے لئے پیسہ دینے میں یہ سوچ کر پیچھے ہٹ جاتے تھے کہ کہیں فرقہ وارانہ ہونے کی مہر نہ لگ جائے۔لیکن ہم نے اس سوچ کو تبدیل کرنے کے لئے اجودھیا میں دیوالی منائی تو ہولی برج میں منانے کا فیصلہ لیا۔اب کوئی نہیں کہہ سکتا کہ متھرا آنے پر میں نے فرقہ وارانہ ہو گیا۔وزیر اعلی نے کہاکہ یہ صوبہ رام، کرشن اور شنکر کی زمین ہے۔رشیو، منیو، سادھو سنتوں، یوگیوں کی زمین ہے۔ہمارا ثقافتی ورثہ ہے۔ہمیں ان کو لے کر فخر محسوس کرنا چاہئے۔ان مقامات کی ترقی بھی ہونی چاہئے۔ہم نے ترقیاتی کونسل قائم کرکے بجٹ میں 100کروڑ روپے کا انتظام کیا ہے اور اتنی ہی رقم ہم سی ایس آر سے بھی اکٹھاکررہے ہیں۔انہوں نے کہاکہ کرشن یہاں گرچہ پیدائش ہوئے ہوں مگر وہ پورے ہندوستان کے پیارے ہیں۔انہوں نے مشرق کو مغرب سے، اور شمال کوجنوب سے جوڑنے کا کام کیا۔وہ ملک کے ہر مقام کی ثقافت میں دیکھنے کو ملتے ہیں۔برج میں تو جیسے ہر گاؤں سے ان کا کوئی نہ کوئی قریبی تعلق ہے۔