علی گڑھ/ یوپی ، 19؍ نومبر (ایس او نیوز؍ آئی این ایس انڈیا ) اتر پردیش کے وزیراعلی5214 یوگی آدتیہ ناتھ نے آج کہا کہ ان کی حکومت قانون کا راج قائم کرنے اور فرقہ وارانہ فسادات سے پاک ریاست بنانے کے لئے پابند عہد ہیں ۔ یوگی نے اکھلیش یادو پر الزام لگاتے ہوئے کہا کہ سابق حکومت کے دور میں ہر ہفتے فسادات ہو تے تھے اور حکومت فسادیوں کو پکڑنے اور منظم جرائم روکنے میں ناکام رہی تھی۔انہوں نے یہاں ایک انتخابی ریلی میں کہا کہ فسادیوں اور مجرموں کی جگہ سلاخوں کے پیچھے ہے۔ بی جے پی حکومت کے آتے ہی مجرم سلاخوں کے پیچھے گئے اور جنہوں نے قانون سے ٹکرانے کی کوشش کی، وہ مڈبھیڑ میں مارے گئے۔وزیر اعلی نے کہا کہ ان کی حکومت نے یہاں کے روایتی تالا صنعت کو بھی فروغ دیا ہے۔ جب کہ حقیقت تو یہ ہے کہ یوگی آدتیہ ناتھ کے اس بیان کے برعکس ریاست کے تمام احوال ہیں ، عصمت دری ، قتل اور لوٹ مار کی واردات میں بے تحاشہ اضافہ ہوا ہے اور خواتین خود کو اب غیر محفوظ محسوس کرنے لگی ہیں ۔