یوپی: بہرائچ میں بڑا حادثہ، سریو ندی میں کشتی پلٹنے سے 6 ہلاک
بہرائچ،7؍ اکتوبر (ایس او نیوز؍آئی این ایس انڈیا ) اتر پردیش کے بہرائچ ضلع میں سریو ندی میں ہفتے کی صبح ایک کشتی پلٹنے سے دو بچوں سمیت 6 افراد ڈوب گئے.، ان میں سے چھ افراد کی موت ہو گئی ہے۔ تین لوگ تیر کر محفوظ باہر نکل آئے ۔ عینی شاہدین نے بتایا کہ کشتی میں سوار بچے اور نوجوان بغیر پیڈل کے ہاتھ اور چپلوں سے کشتی چلانے کی کوشش کر رہے تھے۔ کشتی میں سوار یہ لوگ نصف دریا عبور بھی کرچکے تھے ۔ بیچ دریا پہنچنے کے بعد کشتی میں پانی بھرنا شروع ہو گیا اورکشتی ڈوب گئی۔ ضلع مجسٹریٹ سنگھ نے بتایا کہ رام گاؤں علاقے میں لگا میلہ دیکھنے کے لئے جمعہ کی رات متصل گاؤں کے کچھ لوگ آئے تھے. صبح نو بجے 6لوگ کشتی سے سریو دریا پار کر کے واپس جا رہے تھے، اسی دوران کشتی میں پانی بھرنے سے کشتی ڈوب گئی جس کے نتیجے میں 6افراد ڈوب کر ہلاک ہوگئے ۔ ضلع مجسٹریٹ نے بتایا کہ کشتی میں سوار تین افراد تیراکی جانتے تھے، وہ محفوظ باہر نکل آئے اور دیگر کو بچانے کے لئے مددمانگنے لگے تھے ۔ صبح 6 بجے ڈائل 100 سے ضلع انتظامیہ کو اطلاع ملتے ہی پولیس اور انتظامیہ کا مکمل عملہ امدادی کام میں لگ گیا ہے ۔