ہم آہنگی کی منفرد مثال، مسلمانوں نے دیا ہندو کی لاش کو کندھا
مالدہ، مغربی بنگال:26/اپریل (ایس او نیوز/آئی این ایس انڈیا) مغربی بنگال کے مالدہ ضلع میں مسلم نوجوانوں نے ایک ہندو لڑکے کی لاش کو کو کندھا دے کر سماجی اتحاد اور ہم آہنگی کی منفرد مثال پیش کی ہے۔لیکن مسلمان توپوری طرح رواداری دکھاہی رہے ہیں،فرقہ پرست ہندوؤں میں زہربورہے ہیں۔یہاں کے ایک مسلم اکثریتی گاؤں میں پیر کی رات ہندو خاندان کے ایک لڑکے کی موت ہو گئی تھی، جس کے بعد گاؤں کے ہی مسلم نوجوانوں نے اس کی آخری رسم ادا کی۔مالدہ کے مسلم اکثریتی شوخ پورہ گاؤں میں 2یا 3ہندو خاندان ہی ہیں، یہاں رہنے والے وشی جیت رجک کی موت پیر کی رات کو ہو گئی تھی،انتہائی غریب خاندان سے تعلق رکھنے والے رجک کی موت کے بعد اس کے والدین کے پاس اس کے آخری رسوم کی ادائیگی کے لیے پیسہ اور لوگ تک نہیں تھے، وہ پوری رات بیٹے کی لاش کے پاس بیٹھ کر سوچتے رہے کہ کیا کرنا ہے۔منگل کی صبح گاؤں کے کچھ مسلم نوجوان سامنے آئے اور انہوں نے مدد کے لیے اپنا ہاتھ آگے بڑھایا۔مسلمانوں نے گاؤں سے 8کلومیٹر دور منک چک گھاٹ تک پیدل ہی لاش کو لے گئے، اس دوران وہ بول ہری-بول کا جاپ کرتے رہے۔مالدہ کے مقامی ترنمول لیڈر اور مالدہ ضلع پریشد کے ترنمول نائب صدر گورچند ر منڈل بھی وشیو جیت کی آخری رسومات میں شامل ہوئے۔