مودی جی کی بدقسمتی ہے کہ وہ اپنی بیوی کے ساتھ پوسٹر نہیں لگاتے، پرینکا،واڈراکی ساتھ تصویرپرکانگریسی لیڈرکاطنز
نئی دہلی،06 ؍فروری (ایس او نیوز؍آئی این ایس انڈیا) منی لانڈرنگ معاملے میں رابرٹ واڈرا کو لے کر بی جے پی نے کانگریس پر حملہ بولا اور دلالی سے جائیداد بنانے کا الزام لگایا۔ای ڈی کے سامنے واڈرا کی پیشگی سے پہلے کانگریس لیڈر سنجے سنگھ نے مودی پر حملہ بولا اور کہا کہ آج رابرٹ واڈرا ہیں ای ڈی کے سامنے، کل مودی ای ڈی کے سامنے کھڑے ہوں گے۔دراصل کانگریس لیڈر سنجے سنگھ کا بیان اس معاملے پر آیا ، جب کانگریس دفتر کے باہر پرینکا گاندھی ، راہل گاندھی کے ساتھ واڈرا بھی پوسٹر میں تھے اور اسے ہٹا دیا گیا۔راہل۔پرینکا گاندھی کے ساتھ پوسٹر پر واڈرا کی تصویر پر کانگریس لیڈر سنجے سنگھ نے کہا کہ یہ بدقسمتی ہے مودی جی کی کہ اپنے ساتھ وہ اپنی بیوی کا پوسٹر نہیں لگاتے۔رابرٹ واڈرا پرینکا کے شوہر ہیں،بھگوان کرے ان کا تعلق رہے۔ان کا نام جو تمام چیزوں میں گھسیٹا جا رہا ہے۔بتا دیں کہ بدھ کو ہی بی جے پی ترجمان سبت پاترا نے پریس کانفرنس کر رابرٹ واڈرا پر دلالی کے الزامات گئے ہیں۔ساتھ ہی انہوں نے کہا کہ راہل گاندھی اس سوال کا جواب دیں کہ آخر لندن میں واڈرا کے پاس اتنی جائیداد کہاں سے آئی۔وہیں کانگریس صدر راہل گاندھی اور پارٹی کے جنرل سکریٹری پرینکا گاندھی واڈرا کے ساتھ ساتھ منگل کو کانگریس ہیڈ کوارٹر کے باہر لگائے گئے رابرٹ واڈرا کے پوسٹر بدھ کو ہٹا دیے گئے۔اس پر کانگریس لیڈر جگدیش شرما نے کہاکہ مودی حکومت گندی سیاست کر رہی ہے، کل رات لگائے گئے پوسٹر اب ہٹائے جا رہے ہیں۔