غزہ میں اسرائیلی مظالم، بدھ کو جنرل اسمبلی کا ہنگامی اجلاس طلب

Source: S.O. News Service | By Shahid Mukhtesar | Published on 11th June 2018, 12:29 PM | عالمی خبریں |

نیویارک11جون ( ایس او نیوز؍آئی این ایس انڈیا )فلسطین میں اسرائیلی مظالم کے خلاف گذشتہ ہفتے پیش کی گئی قرارداد امریکا کی جانب سے ویٹو کیے جانے کے بعد جنرل اسمبلی کا ہنگامی اجلاس آئندہ بدھ کو طلب کیا گیا ہے۔

اطلاعات کے مطابق کویت کی درخواست پر جنرل اسمبلی کے ہنگامی اجلاس میں غزہ کی پٹی میں اسرائیلی فوج کے ہاتھوں نہتے فلسطینیوں کے قتل عام کی روک تھام کے لیے قرارداد منظور کی جائے گی۔جنرل اسمبلی کے چیئرمین میروسلاؤ لاجاک نے اسمبلی کے 193 رکن ممالک کو مکتوب ارسال کیے ہیں جن میں ان سے کہا گیا ہے کہ وہ بدھ کے روز ہونے والے ہنگامی اجلاس میں شرکت کو یقینی بنائیں۔خیال رہے کہ گذشتہ ہفتے کویت کی درخواست پر سلامتی کونسل کا ایک اجلاس منعقد کیا گیا جس میں فلسطین میں اسرائیلی مظالم کی روک تھام پر غور کیا گیا۔

اس موقع پر کویت کی طرف سیفلسطینیوں کو تحفظ فراہم کرنے کے حق میں ایک قرارداد پیش کی گئی تاہم امریکا نے مداخلت کرتے ہوئے وہ قرارداد اسرائیل کے حق میں ویٹو کردی۔کل جمعہ کے روز اقوام متحدہ میں فلسطین کے مندوب ریاض منصورنے قابض فوج کے ہاتھوں نہتے فلسطینیوں کے قتل عام کی شدید مذمت کی اور کہا کہ اسرائیل ایک سوچے سمجھے منصوبے کے تحت غزہ کی سرحد پر بے گناہ فلسطینی مظاہرین کو قتل کررہے۔ ریاض منصور نے کویت اور بعض دوسرے ممالک کی طرف سے اقوام متحدہ میں فلسطینیوں کے حقوق کے لیے آواز اٹھانے کا خیر مقدم کیا اور تمام رکن ممالک پر زور دیا کہ وہ بدھ کے روز ہونے والے جنرل اسمبلی کے اجلاس کو کامیاب بنانے کے لیے اپنا سفارتی اور سیاسی کردار ادا کریں۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...