امن کے لئے یو این ایلچی ریاض سے علاقائی دورے کا آغاز کریں گے

Source: S.O. News Service | Published on 7th May 2017, 11:18 PM | خلیجی خبریں |

ریاض7مئی(ایس او نیوز/آئی این ایس انڈیا)یمن کے لئے اقوام متحدہ کے خصوصی ایلچی اسماعیل ولد الشیخ احمد خطے کے ملکوں کا از سر نو دورہ کر رہے ہیں جس کا مقصد یمن کے حوالے سے معطل شدہ امن مذاکرات کے عمل کو دوبارہ شروع کرنا ہے۔ یہ امن عمل گذشتہ برس کے اواخر سے تعطل کا شکار ہے۔یمنی ذرائع کے مطابق اس سلسلے میں ولدالشیخ احمدسعودی عرب کے صدرمقام ریاض میں یمنی اور سعودی حکام سے ملاقاتیں کریں گے۔یو این ایلچی کے قریبی ذرائع نے بتایا کہ رمضان المبارک کے دوران مشاورت کا نیا سلسلہ شروع کرانے کی انتہائی سنجیدہ کوششیں کی جا رہی ہیں۔ متعلقہ فریق اس مشاورتی عمل سے یہ امید لگائے بیٹھے ہیں کہ یہ سارا عمل امن معاہدہ پر دستخط کا پیش خیمہ ثابت ہوگا۔ایک ملتی جلتی پیش رفت میں یمنی حکومت کے سربراہ احمد عبید بن دغر نے روس سے مطالبہ کیا ہے کہ وہ باغی ملیشیا پر دباؤ بڑھائیں جبکہ دوسری جانب یو این ایلچی اسماعیل ولد الشیخ احمد نے معطل شدہ یمن امن مذکرات کا سلسلہ دوبارہ شروع کرانے کی غرض سے خطے کے ملکوں سے رابطے کا نیا دور شروع کرنے والے ہیں۔اس سلسلے میں بن دغر نے سعودی عرب میں روسی سفیر سے ملاقات کی تاکہ یمنی بحران کا حل تلاش کیا جا سکے۔ انہوں نے ماسکو پر زور دیا کہ وہ باغی ملیشیا کو یمنی شہریوں کا خون بہانے سے جیسے اقدامات سے روکنے کے لئے اپنا رسوخ استعمال کریں۔درایں اثنا روسی سفیر نے یمن کی آئینی حکومت کے صدر عبد منصور ربہ کو بتایا کہ ان ملک انہیں ہر طرح کی حمایت فراہم کرے گا۔ انہوں نے وزیر اعظم بن دغر کو روس کی اس خواہش سے آگاہ کیا ہے کہ ماسکو یمنی مذاکرات کے سلسلے کو پرامن ماحول میں طے شدہ اصولوں کے مطابق جاری رکھنے کاخواہاں ہے۔

ایک نظر اس پر بھی

مصر اور سعودی عرب کی مشترکہ فضائی مشقیں جاری

سعودی عرب اور مصرکی فضائیہ پر مشتمل فوجی مشقیں ’فیصل 11‘ جاری ہیں۔ گذشتہ روز مصری فوج کے ترجمان کرنل تامر الرفاعی نے ایک ویڈیو جاری کی جس میں دونوں ملکوں کے فضائیہ پر مشتمل مشقوں ’فیصل 11‘ کی تفصیلات جاری کی گئی تھیں۔

شاہ سلمان کا روہنگیا مہاجرین کے لیے 1.5 کروڑ ڈالر کا اعلان

سعودی شاہی دفتر کے مشیر اور کنگ سلمان سینٹر فار ہیومنیٹیرین ایڈ اینڈ ریسکیو کے نگرانِ عام ڈاکٹر عبدالعزیز الربیعہ نے بتایا ہے کہ سعودی فرماں روا شاہ سلمان بن عبدالعزیز نے مرکز کو 1.5 کروڑ امریکی ڈالر مختص کرنے کی ہدایت کی ہے

سعودی عرب اور برطانیہ کے درمیان دفاعی شعبے میں تعاون کا سمجھوتا

سعودی عرب اور برطانیہ کے درمیان دفاعی شعبے میں تعاون کا ایک سمجھوتا طے پا گیا ہے۔سعودی ولی عہد اور وزیر دفاع شہزادہ محمد بن سلمان اور برطانوی وزیر دفاع مائیکل فالن نے جدہ میں ملاقات کے دوران فوجی اور سکیورٹی کے شعبے میں دوطرفہ تعاون سے متعلق اس سمجھوتے پر دستخط کیے ہیں۔

قوم ِ نوائط کے سپوت سید خلیل الرحمن متحدہ عرب امارات کے 100فطین شخصیات میں شامل :عربین بزنس میگزین کی رپورٹ

اپنی برق رفتار ترقی، بلند و بالا عمارات اور خیرہ اندوزی سے عالم کو حیرت زدہ کرنےو الے خلیجی ممالک کی دلہن نگری دبئی سے انگریزی اور عربی زبان میں شائع ہونے والی ہفتہ وار میگزین ’’عربین بزنس ‘‘کےخصوصی شمار ے ’’100 اسما رٹسٹ پیوپل اِن دی یو اےا ی ‘‘میں قومی و بین الاقوامی سطح ...