نئی دہلی،3اپریل(ایس او نیوز/آئی این ایس انڈیا)آسٹریلیا کے خلاف سیریز میں شاندار کارکردگی کرنے والے ٹیم انڈیا کے تیز امیش یادو نے اپنی کامیابی کا کریڈٹ اپنی بیوی تانیہ کو دیا ہے۔ فاسٹ بولر امیش یادو کے مطابق کچھ عرصہ قبل وہ خراب فارم کی وجہ سے اتنے مایوس تھے کہ پریکٹس چھوڑ کر گھر بیٹھنے کی سوچ رہے تھے پر ایسے وقت میں بیوی تانیہ نے انہیں سخت ٹریننگ کرنے کی حوصلہ افزائی کی، اس سے ان کی کارکردگی بہتر ہوتی گئی۔ امیش نے کہا کہ ایک وقت تھا جب ان کی جگہ ٹیم میں پکی نہیں تھی، وہ مسلسل اندر-باہر ہوتے تھے جس سے وہ کافی پریشان ہو گئے تھے پر 2013 میں جب تانیہ سے شادی ہوئی تو اس کے بعد ان کی کارکردگی میں بہتری آئی۔ اس گیند باز نے کہا کہ تانیہ شادی کے بعد ہی میری کارکردگی کو لے کر مجھے ٹوکا کرتی تھی، وہ کہتی تھی کہ تمہارے پاس قابلیت ہے لیکن تم اس سے انصاف نہیں کر پا رہے ہو۔

امیش یادو بولے کہ ایک وقت ایسا بھی آیا تھا جب مجھے لگا کہ مجھے پریکٹس چھوڑ کر گھر میں بیٹھنا چاہئے لیکن تانیا نے انہیں سمجھایا کہ انہیں گھر پر بیٹھنے کے بجائے اور زیادہ پریکٹس کرنا چاہئے کیونکہ یہی ان کا کام ہے۔ امیش نے کہا کہ تانیا کے اتنا سمجھانے کے بعد انہیں احساس ہوا کہ مصیبت میں بھی ان کا ساتھ دینے کے لئے ان کے ساتھ کوئی ہے۔ امیش بولے کہ تانیا کی وجہ سے مجھے کافی حوصلہ ملا۔ امیش بولے کہ میں بلے باز کو آؤٹ کرنے کے لئے میں باؤنسر استعمال کرتا ہوں لیکن میرا مزاج بھگوان بدھ جیسا ٹھنڈا ہے۔ غور طلب ہے کہ ٹیم انڈیا کا 2016-17 کا سیشن بہت شاندار رہا ہے، اس دوران امیش نے بھی کافی مؤثر کارکردگی کا مظاہرہ کیا۔