یو جی سی کی کمیٹی ڈیمڈیونیورسٹیوں میں میڈیکل کورسیز میں فیس کے لیے ضابطے بنائے گی
نئی د ہلی:19/جولائی(ایس او نیوز /ٓئی این ایس انڈیا)فروغ انسانی وسائل کے مرکزی وزیر مملکت ڈاکٹر ستیہ پال سنگھ نے آج راجیہ سبھا میں پوچھے گئے ایک سوال کے تحریری جواب میں اطلاع دی کہ مدراس ہائی کورٹ میں2017 میں دائر کردہ عرضداشت نمبر14232اور 17778 کے جواب میں صادرکیے گئے فیصلے مورخہ 26 اپریل 2018 پر عمل کرتے ہوئے یونیورسٹی گرانٹس کمیشن( یو جی سی) نے ڈیمڈ یونیورسٹیوں میں میڈیکل اور ڈینٹل کورسیز کے لئے لی جانے والی فیس کے لئے ضابطے بنانے کے لئے ایک کمیٹی تشکیل دی ہے۔یہ کمیٹی آل انڈیا انسٹی ٹیوٹ آف میڈیکل سائنسز( ایمس) نئی دہلی کے سابق ڈائریکٹر پروفیسر آر سی ڈیکا(چیئرمین) ، پنڈت بی ڈی شرما یونیورسٹی آف ہیلتھ سائنسز، روہتک کے وائس چانسلر ڈاکٹر او پی کالرا، کنگ جارج یونیورسٹی لکھنؤ کی سابق وائس چانسلر محترمہ سروج چورا مانی گوپال، مولانا آزاد انسٹی ٹیوٹ آف ڈینٹل سائنسز، نئی دہلی کے ڈائریکٹر پروفیسر مہیش ورما، بائی رام جی جی بھائی گورنمنٹ میڈیکل کالج اینڈ ساسون جنرل ہاسپیٹل، پونے کے ڈین ڈاکٹر اجے ایس چندروالے، فروغ انسانی وسائل کی وزارت کے سابق ایڈیشنل سکریٹری و مالیاتی مشیر جناب ایس کے رائے کے علاوہ صحت و خاندانی بہبود کی وزارت، ڈینٹل کونسل آف انڈیا، میڈیکل کونسل آف انڈیا اور فروغ انسانی وسائل کی وزارت کے ایک ایک نمائندے پر مشتمل ہے۔
