اڈپی:ضلع پنچایت صدر کی کارٹکرانے سے بزرگ شخص کی موت
اڈپی22؍اگست (ایس او نیوز)یہاں کاپ نامی مقام پر اڈپی ضلع پنچایت صدر کی کار کی زد میں آنے سے ایک بزرگ چندرو میستری (۷۰سال) نامی شخص فوت ہونے کی خبر موصول ہوئی ہے۔
کہتے ہیں کہ اڈپی ضلع پنچایت صدر دینکر بابواوچیلا کے اسکول میں کھیل مقابلے کا افتتاح کرنے کے لئے جارہے تھے اس وقت کاپ میونسپالٹی کے قریب سڑک پار کرتے ہوئے چندرو میستری سے ان کی کار ٹکراگئی۔دینکر بابو نے فوری طور پر زخمی چندرو کو اڈپی کے آدرش اسپتال منتقل کرنے کی کوشش کی، مگر وہاں ڈاکٹروں نے چندرو کے فوت ہوجانے کی تصدیق کردی۔کاپ پولیس اسٹیشن میں معاملہ درج کرنے کے بعد لاش کو اجڈکر اسپتال میں پوسٹ مارٹم کے لئے منتقل کیاگیا۔