اُڈپی : آر ایس ایس مسلمانوں سے زیادہ دلت مخالف ہے: سابق بجرنگ دل لیڈر مہیندر کمار
اُڈپی :19؍مارچ (ایس او نیوز) آر ایس ایس حقیقت میں دلت، شودر، مظلوم ، پسماندہ طبقات ، ہندو اور ملک مخالف ہےوہ مسلم مخالف نہیں ہے ،کیونکہ یہ سب صرف نوجوانوں کو غلط راستے پر لے جانےکے لئے انہیں استعمال کرتی ہے۔ اگر اس کو اب نہیں سمجھیں گے تو پھر ایک بار ملکی آزادی کے لئے جدوجہد کی ضرورت پڑے گی۔ سماجی مفکر مہیندر کمار نے ان خیالات کااظہار کیا۔
وہ یہاں اُڈپی میں امن، بھائی چارہ ، آپسی میل جول اوراتحاد کے عنوان پر رائیل گارڈ ن میں منعقدہ ’سروجنوتسوا‘(عام عوامی اجلاس ) سے خطاب کررہے تھے۔سنگھ پریوار اور بجرنگ دل کے سابق لیڈر مہیندر کمار نے کہاکہ آر ایس ایس کبھی بھی دلتوں پر ہونےو الے استحصال اور ظلم کے خلاف آواز نہیں اٹھائی ہے، ہندو دھرم میں پائے جانے والے مسائل کو حل کرنےکی کبھی کوشش نہیں کی ،مشہور کنڑا کلاسیکل شاعر کوئمپو کو آج تک مثالی شخصیت کے طورپر قبول نہیں کیا ہے، اس کو سمجھے بغیر ہم لوگ پورے ملک کو قربان کردینے کا الزام لگایا۔
آج نریندر مودی کی قیادت میں حکومت کی جارہی ہے جب کہ ان کے پیچھے آر ایس ایس کا نظریہ کام کررہاہے۔ بہروپیہ کی شکل میں فساد برپا کرنے کا کام ہورہاہے، پورے ملک کو پاکستان بنایا جارہاہے، ہمار ا ملک بھارت کے طورپر ہی باقی رہے ، جس کے لئے ہم سب متحد ہوکر جدوجہد کرنےکی اپیل کی ۔