اڈپی ڈسٹرکٹ جیل کی تجدیدکاری۔ تین مہینے کے لئے قیدی کاروار جیل میں منتقل
اڈپی،20؍جنوری (ایس او نیوز)اڈپی ڈسٹرکٹ جیل میں مرمت اور تجدیدکا کام شروع ہوگیا ہے جسے دیکھتے ہوئے آئندہ تین مہینوں کے لئے یہاں کے قیدیوں کو پولیس بندوبست کے ساتھ کاروار ڈسٹرکٹ جیل میں منتقل کا کرنے کی کارروائی عمل میں آئی ۔
بتایا جاتاہے کہ اڈپی ضلع جیل کی تعمیر ہیری اڈکا میں سال2009میں ہوئی تھی۔ کچھ عرصے پہلے جیل کے کچن اور بیرل کے حصے میں شگاف پیداہوگئے اور پھر گزشتہ سال یہ حصہ منہدم ہوگیا ۔لہٰذا منہدم حصے کی تعمیر، ڈرینیج سسٹم کی درستی اور رنگ و روغن کے لئے 60لاکھ روپے لاگت کا منصوبہ بنایا گیا ہے۔ اس کام کی تکمیل تک قیدیوں کو کاروار جیل میں رکھا جائے گا۔