کولور/کنداپور :18/جون (ایس اؤنیوز)پہلی مرتبہ اُڈپی کا دورہ کرتے ہوئے صدرہند عزت مآب پرنب مکھرجی نے کولور کے موکامبیکا مندر پر حاضری دیتے ہوئے دیوی کی پوجا کی۔ سہ پہر 2بجے اُڈپی سرکٹ ہاؤس سے کھانا کھانے کے بعد نکلے صدرہند کولور پہنچے تو مندر کے نگراں کار جناردھن، معاون کرشنامورتی ، صدر ہریش کمار شٹی سمیت مندر انتظامیہ کے ممبران نے پرتپا ک استقبال کیا۔
موکامبیکا مندرمیں 20منٹ تک موجود رہ کر دیوی کی پوجا کرنے کے بعد مندر کو اپنی جانب سے عطیہ دیا۔ اس موقع پر وزراء کے جے جارج، ردرپا لمانی ، پرمود مدھواراج، بیندور کے رکن اسمبلی گوپال پجاری ، ڈی سی پریانکا میری فرانسس، اے سی شلپا ناگ، آئی جی پی ہری شیکھرن ، ایس پی بال کرشنا ، صنعت کار بی آر شٹی ، مندر کے پجاری منجوناتھ اڈیگا، نرسمہا اڈیگا، شری دھر اڈیگا وغیرہ موجود تھے۔ ان کی آمد کو دیکھتے ہوئے سہ پہر 2بجے سے کولور روڈ پر ٹرافک پر مکمل پابندی عائد کئے جانے سے سناٹے کا ماحول تھا۔