اُڈپی:18/جون (ایس اؤنیوز)اُڈپی شری کرشنا مٹھ اور کولور مندر کے درشن اور سوپر اسپیشالٹی اسپتال کی سنگ بنیاد کے لئے پہلی بار اُڈپی جانے کے لئے صدر ہند عزت مآب پرنب مکھرجی اتوار کی صبح بین الاقوامی ہوائی اڈے پر اترے۔ جہاں انہیں ضلعی انتظامیہ اور ریاستی حکومت کی طرف سے پرتپاک استقبال کیا گیا ۔ اس موقع پر ریاستی کابینہ کے وزیر کے جے جارج، رماناتھ رائی ، یوٹی قادر وغیرہ موجود تھے۔ ہوائی اڈے سے صدر ہندپرنب مکھرجی ہیلی کاپٹر کے ذریعے اُڈپی روانہ ہوئے۔ صدر ہند کے ساتھ وزیر کے جے جارج، افسران سور گھوش ، میجرجنرل انیل کوسٹا، اشوک کمار مہتا، این کے کشیپ موجود تھے۔
ہندوستانی فضائیہ کے 3ہیلی کاپٹروں کے ذریعے صدر ہند کا قافلہ صبح 10-11بجے اُڈپی پہنچا تو وہاں اُڈپی نگراں کار وزیر پرمود مدھواراج نے صدرہند پرنب مکھرجی کو گلدستہ کے ذریعے ان کا پرتپاک استقبال کیاگیا۔ اس موقع پر بلدیہ کی صدر میناکشی مادھو بننجے ، ڈی سی پریانکا میری فرانسس ، ضلع ایس پی کے ٹی بال کرشنا نے بھی گلدستے سے صدر ہند کا استقبال کیا۔ ہیلی پیاڑ سے صدر ہند سخت سکیورٹی کے ذریعے اُڈپی کے بننجے میں واقع سرکٹ ہاؤس پہنچے ، اس دوران اے پی ایم سی کے اطراف جمع عوام کو کار سے جاتے ہوئے صدر ہند نے ہاتھ جوڑ کر سلام کیا۔ اس موقع پر جن راستوں سے صدر ہند کو گزرنا تھا ان تمام سڑکوں پر زیرو ٹرافک کاانتظام تھا۔ جس کے نتیجے میں قریب 45منٹ تک قومی شاہراہ سمیت اُڈپی شہر کے کئی راستے بند رہے۔
11-45کو سرکٹ ہاؤس سے نکلے صدر پرنب مکھرجی سیدھے شری کرشنا مٹھ پہنچے ،جہاں انہوں نے کنک کی کھڑکی سے کرشنا کا درشن کیا۔ اس موقع پر وہاں پیجاور مٹھ کے سوامی جی نے ان کا استقبال کای۔ سرکٹ ہاؤس پر جمع لوگوں میں سے ایک شخص نے صدر ہند کو دیکھ کر جئے ہند کا نعرہ لگاتے ہوئے سلامی دیا تو صدر ہندنے اس کو دیکھ کر کار میں بیٹھے ہوئے سلام کیا۔ راستے کنارے سیکڑوں لوگ جمع دیکھے گئے۔