اُڈپی:مذاہب کے تقابلی مطالعہ میں ماہر نہال احمد اسٹوڈنٹس اسلامک آرگنائزیشن آف انڈیاکرناٹکا (SIO) کے ریاستی صدر منتخب
اُڈپی:18؍ڈسمبر (ایس او نیوز) گلبرگہ کے ہدایت سنٹر میں منعقدہ اسٹوڈنٹس اسلامک آرگنائزیشن آف انڈیا کرناٹکا کے اسٹیٹ ایڈوائزی کونسل کی انتخابی نشست میں اُڈپی ضلع سے تعلق رکھنے والے ایس آئی اؤ کے فعال و متحرک ممبر نہا ل احمد کدیور کو ایس آئی اؤ کی اگلی میقات 20196-2020کے لئے ریاستی صدر کی حیثیت سے منتخب کیاگیا ۔
اُڈپی ضلع کے پڈوتونسے ۔ہوڑے سے تعلق رکھنےو الے نہال کدیور دہلی کی اسلامک اکیڈمی سے مذاہب کا تقابلی مطالعہ (Comparative Study of Religions)کا کورس کیا ہے۔ اسی طرح منی پال ایم آئی ٹی سے بی ای اور میسور ایس ڈی ایم سے پوسٹ گریجویشن کرنے کے بعد مارکیٹنگ آپریشن میں ایم بی اے کی ڈگری حاصل کی ہے۔ نہال گزشتہ میقات میں ایس آئی اؤ کرناٹکا کے ریاستی مشاورتی کونسل کے ممبر تھے۔ ریاست میں یہ ایک ماحولیاتی مفکر، سماجی خدمت گار،مقرر کی حیثیت سے اپنی پہچان رکھتے ہیں۔ انتخابات کے بعد جب نہال اُڈپی پہنچے تو ایس آئی اؤ اُڈپی اور جماعت اسلامی ہند اُڈپی کی طرف سے نومنتخب صدر کا پرتپاک استقبال کیاگیا۔
اسی طرح جنرل سکریٹری کے طورپر ڈاکٹر نسیم احمد (بنگلورو)،کیمپس سکریٹری ذیشان عقیل صدیقی (مانوی)،رابطہ سکریٹری یاسین کوڑی بینگرے (اُڈپی)، تنظیمی سکریٹری فہیم الدین بسواکلیان اور ریاستی دفتر سکریٹری کی حیثیت سے سید شفیع کو منتخب کیاگیا ہے۔ ان کے علاوہ ریاستی مشاورتی کونسل کے لئے رائچور کے معاذ سلمان منی یار، بنگلورو کے عمار منصور، گلبرگہ کے سید زاہد سلیم ، منگلورو کے طلحہ اسماعیل کے پی ، میسور کے شہزاد شکیب ملا، پانے منگلورو کے دانش چنڈاڑی، یادگیر کے رضوان احمد شہنا، منگلورو کے مصعب اسماعیل کے پی ، مڈکیری کے اظہر الدین پلکوڑ اور چک منگلورو کے عبدالقدوس صہیب منتخب ہوئے ہیں۔