سوشیل میڈیا پر انتخابی مہم چلانے والے ہوشیار!۔بی جے پی کی حمایت اور کانگریس کی مخالفت پراڈپی میں کیس درج

Source: S.O. News Service | Published on 15th April 2018, 1:09 PM | ساحلی خبریں | ریاستی خبریں |

اڈپی 15؍اپریل (ایس او نیوز) کرناٹکا اسمبلی انتخابات کے پس منظر میں سوشیل میڈیا پر خاص کر الیکشن گروپس بناکر بحث و مباحثہ چھیڑنے والے انٹرنیٹ شہری (Netizens) ہوشیار ہوجائیں کیونکہ سوشیل میڈیا پرکسی بھی پارٹی یا امیدوار کی حمایت یا مخالفت والی پوسٹنگ بھی ضابطۂ اخلاق کی خلاف ورزی کے زمرے میں آسکتی ہے اور ایسے افراد پر کیس بھی درج کیے جاسکتے ہیں۔
ایسا ہی ایک واقعہ اڈپی میں پیش آیا ہے جہاں اکشئے پی شیٹی نامی شخص کے خلاف الیکشن سے متعلقہ فلائنگ اسکواڈ نے کیس درج کردیا ہے کیونکہ اس نے اڈپی بی جے پی سوشیل میڈیاگروپ پر بی جے پی کی حمایت میں ووٹ مانگنے کے ساتھ ساتھ کانگریس پارٹی کے خلاف ہتک آمیز ریمارکس اورتصویریں پوسٹ کی تھیں۔اکشئے شیٹی نے اپنی پوسٹ میں ’ترشول‘ نامی ویب سائٹ سے کلپنگس اور تصاویر منسلک کی تھیں جو کانگریس پارٹی کے خلاف اور بی جے پی کی حمایت میں پروپگنڈہ کرنے والی تھیں۔
اکشئے کی اس پوسٹ کے تعلق سے پرمود ایس آر نے الیکشن کمشنراور ڈپٹی الیکشن کمشنر کو ای میل بھیج کر شکایت درج کرواتے ہوئے اکشئے کے خلاف قانونی کارروائی کا مطالبہ کیا تھا۔ دونوں انتخابی افسران نے شکایت قبول کرتے ہوئے اڈپی انتخابی فلائنگ اسکواڈکے افسر دیانند بینّور کوایف آئی آر درج کرنے کی ہدایت دی۔جس پر عمل درآمد کرتے ہوئے اڈپی پولیس نے اکشئے شیٹی کے خلاف ’عوامی نمائندگی قانون 1951اور1998کے تحت کیس درج کرلیا ہے۔
 

ایک نظر اس پر بھی

ہندو لیڈر سورج نائک سونی نے اننت کمار ہیگڈے کو کہا،مودی حکومت کا داغدار وزیر؛ اُس کی مخالفت میں کام کرنے کے لئے نوجوانوں کی ٹیم تیار

ضلع شمالی کینرا میں ایک نوجوان ہندو لیڈر کے طور پر اپنی پہچان رکھنے والے کمٹہ کے سورج نائک سونی نے اخباری کانفرنس سے خطاب کرتے ہوئے کہا کہ’’ وزیر اعظم نریندر مودی کی قیادت میں چل رہی مرکزی حکومت میں اننت کمار ہیگڈے کی حیثیت ایک داغداروزیر کی ہے۔ اور ایسا لگتا ہے کہ انہیں ...

منگلورو میں تیز رفتار بس کی ٹکر سے ایک پولیس کانسٹیبل ہلاک

گورپور علاقے میں ایک تیز رفتار پرائیویٹ ایکسپریس بس کی ٹکر سے ایک پولیس کانسٹیبل ہلاک ہوگیا ہے جس کی شناخت دیوی نگر کے رہنے والے مہیش لمانی کے طور پر کی گئی ہے۔مہیش فی الحال شہر کے آئی جی دفتر میں فرائض انجام دے رہاتھا۔

گنگولی توحید انگلش میڈیم اسکول میں والدین و سرپرستوں کے ساتھ انتظامیہ کی نشست  کا انعقاد

اسکول کے تعلیمی اصول وضوابط، سالانہ امتحانات کی تیاری جیسے اہم تعلیمی سرگرمیوں سے والدین و سرپرستوں کو واقف کرانے کے لئے 16مارچ برو ز سنیچر  ٹھیک 30-10بجے اسکول کے وسیع ہال میں ایک اہم نشست کا انعقاد کیاگیا ۔

ہندو لیڈر سورج نائک سونی نے اننت کمار ہیگڈے کو کہا،مودی حکومت کا داغدار وزیر؛ اُس کی مخالفت میں کام کرنے کے لئے نوجوانوں کی ٹیم تیار

ضلع شمالی کینرا میں ایک نوجوان ہندو لیڈر کے طور پر اپنی پہچان رکھنے والے کمٹہ کے سورج نائک سونی نے اخباری کانفرنس سے خطاب کرتے ہوئے کہا کہ’’ وزیر اعظم نریندر مودی کی قیادت میں چل رہی مرکزی حکومت میں اننت کمار ہیگڈے کی حیثیت ایک داغداروزیر کی ہے۔ اور ایسا لگتا ہے کہ انہیں ...

کرناٹک میں نوٹیفکیشن کے پہلے دن 6؍امیداروں کی نامزدگیاں داخل 

ریاست میں لوک سبھا الیکشن کے پہلے مرحلہ میں 14؍سیٹوں پر 18؍اپریل کو ہونے والے الیکشن کے لئے پرچہ نامزدگی کرنے کا آغاز ہوگیا ۔ پہلے دن چار حلقوں میں6؍ امیدواروں کی جانب سے 11؍ مزدگیاں داخل کئیں۔ یہ اطلاع ریاستی الیکشن افسر سنجیو کمار نے دی۔

بنگلورو کے تینوں پارلیمانی حلقوں میں ڈی سی پیز کی زیرنگرانی سخت بندوست لائسنس یافتہ 7؍ہزار ہتھیارات تحویل میں :پولیس کمشنر ٹی۔ سنیل کمار

پولیس کمشنر ٹی۔ سنیل کمار نے بتایا کہ بنگلور سنٹرل ،بنگلور نارتھ اور بنگلور ساؤتھ لوک سبھا حلقوں میں ہونے والے پارلیمانی انتخابات کے لئے ڈپٹی کمشنر آف پولیس (ڈی سی پی) سطح کے پولیس افسروں کی نگرانی میں پولیس کا سخت بندوبست کیاگیا ہے۔

کرناٹک میں انتخابات متحد ہوکر لڑنے کانگریس جے ڈی ایس کا فیصلہ 

اگلے لوک سبھا انتخابات کی تیاریوں کے درمیان کانگریس اور جے ڈی ایس کو مقامی سطحوں پر جن مشکلوں کاسامنا کرنا پڑرہاہے ان سے نپٹنے اور متحد ہوکر انتخابات لڑنے کے ساتھ ریاست میں زیادہ سے زیادہ سیٹوں پر کامیابی حاصل کرنے کے لیے آج کانگریس اور جے ڈی ایس قائدین کااعلیٰ سطحی اجلاس ہوا۔ ...

دھارواڑمیں زیر تعمیر عمارت گر گئی ، 2افراد ہلاک ، کئی زخمی 

دھارواڑ میں زیر تعمیر 5منزلہ عمارت بیٹھ گئی جس کے سبب 2افراد ہلاک اورکئی افراد کے زخمی ہونے کی اطلاع ملی ہے ۔ اس حادثے میں سلیم مکاندار (28)ہلاک ہوگئے ہیں ۔ دھارواڑ کے کمار میشورنگر میں زیر تعمیر کامپلکس گرگیا۔ ملبے کے نیچے دبے ہوئے افراد کو باہر نکالنے کے لیے محکمۂ پولیس ، فارئر ...