اُڈپی  :۲۵/ستمبر (ایس او نیوز) اُڈپی کے کوٹاپولس تھانہ کے انسپکٹر کبال راج نے جمعرات کو اعلیٰ افسران پر ہراسانی کا الزام لگاتے ہوئے اپنا استعفیٰ سونپا تھا خبر ملی ہے کہ اگلے ہی روز انہوں نے اپنا استعفیٰ واپس لے لیا ہے۔

ضلع ایس پی ، کے ٹی بال کرشنا نے بتایا کہ کبال راج کو جب زمین ہتھیانے کے الزام میں ضلع ایس پی کی طرف سے شوکاس نوٹس جاری کی گئی تھی تو  تھانہ انسپکٹر کبال راج نے اپنا موبائیل سوئچ آف کرنے کے بعد اپنے بیوی کے گاؤں بنٹوال چلا گیا تھا ۔ضلع ایس پی بال کرشنا نے اس سلسلے میں مزید جانکاری دیتے ہوئےبتایا کہ معاملے کو لے کر ڈی ایس پی نے ذاتی طورپر سب انسپکٹر کبال راج سے ملاقات کرتے ہوئے انہیں سمجھانے میں کامیاب ہوئے اور میں نے بھی ان کے ساتھ فون پر بات چیت کی تو انسپکٹر نے بتایاکہ وہ کافی ذہنی دباؤ میں ہیں۔ محکمہ کا عملہ بھ اس کے ساتھ لگاتار رابطہ میں رہا اوروہ انہیں سمجھانے کے بعد اپنا استعفیٰ واپس لینے میں راضی ہوگیا، اس طرح جمعہ کی صبح وہ ڈیوٹی پر حاضرہوچکا ہے۔