اُڈپی:24/مئی (ایس اؤنیوز)برہماور پولس تھانہ حدود کے ہیرور میں تنہا عورت کو قتل کرکے زیورات لوٹے جانے کے معاملے میں اُڈپی کی ضلعی عدالت نے ملزم کو عمر قید کی سزاسناتے ہوئے فیصلہ صادر کیاہے۔
سزا کا مستحق بنا ملزم ہیرور کا مکین یوگیش (34)بتایا گیا ہے۔ سال 2009میں یوگیش ہیرور نامی دیہات میں اسٹور دکان شروع کیا اور اس کے لئے کئی بینکوں سے قرضہ لیاتھا، تجارت میں نقصان ہونے کی وجہ سے قرضہ ادانہیں کئے جانے سے عدالت کی طرف سے اس کو نوٹس جاری کی گئی تھی۔ مشکل حالات سے گزررہے یوگیش نے اپنے گھر کے قریب سنندا شٹی نامی عورت بہت سارے زیورات سے گھومتے ہوئے دیکھا تھا، وہیں اس کو پتہ چلا کہ عورت گھر میں تنہا رہتی ہے تو قتل کو منصوبہ بنا کر لوٹ مار کرنے کی سوچی۔یوگیش بائک کے ذریعے 20ڈسمبر 2010کی شام 30-07سنندا شٹی کے گھر پہنچا ، کمپاؤنڈ پھلانگ کر گھر صفائی میں مشغول سنندا کو پیچھے سے گردن کو ہاتھوں سے دبا کر قتل کیا۔ قتل کے بعد جسم پر موجود 1،80،000مالیت کے کل 120.60گرام وزنی سونے کے زیورات لے کر فرار ہوگیا۔ اس سلسلے میں مہلوکہ کے داماد اگینان وسنت شٹی نے برہماور پولس تھانے میں شکایت درج کی۔ سرکل انسپکٹر جی کرشنا مورتی کی نگرانی میں ملزم کی تلاش شروع ہوئی اور عدالت میں چارج شیٹ داخل کی گئی ۔ عدالت میں سنوائی کے دوران گواہوں اور ثبوتوں کی بنیاد پر یوگیش کا جرم ثابت ہواتو عدالت کے منصف ٹی وینکٹیش نے یوگیش کو عمرقید کی سزا سنائی اور 25000ہزارروپئے جرمانہ عائد کرتے ہوئے فیصلہ صادرکیا۔