اُڈپی:13؍ڈسمبر (ایس او نیوز)جماعت اسلامی ہند کرناٹکا کے زیر اہتمام ریاستی سطح پر ’’حضرت محمد ﷺ نوع انسانی کے عظیم رہنما ‘‘ عنوان کے تحت منائی گئی مہم کی مناسبت سے اُڈپی ضلع میں ’’انسانی اقدار حضرت محمد ﷺ کی سیرت میں ‘‘ عنوان کے تحت ایک ماہ تک مہم منائی گئی ۔ مہم کا اختتامی اجلاس 14ڈسمبر 2018بروز جمعہ کی شام 30-06بجے اُڈپی کے ٹاؤن ہال میں انعقاد کئے جانے کی اطلاع جماعت کی طرف سے جاری کردہ پریس ریلیز میں دی گئی ہے۔

اختتامی اجلاس میں کیماروکے ساندیپنی مٹھ کے شری ایش وٹھل داس سوامی جی کے علاوہ مشہور ادیبہ جیوتی گروپرساد ، شانتی پرکاشن کے مینجر محمد کوئیں مہمان خصوصی کی حیثیت سے شریک رہیں گے تو پروگرام کی صدارت سدبھاونا منچ کے جنرل سکریٹری اکبرعلی اُڈپی کرنے کی اطلاع پریس ریلیز میں دی گئی ہے۔اجلاس کو کامیاب بنانے کے لئے عوام سے کثیر تعداد میں شرکت کرنےکی منتظمین نے اپیل کی ہے۔