اڈپی 9؍ستمبر (ایس او نیوز) اگست 2016میں گنپنا کٹّے کے قریب پیش آئے ہوئے ایک حادثے میں مائیکل ڈیسوزا کی موت واقع ہوگئی تھی۔ اس کیس کی سماعت اڈپی چیف سول جج (سینئر سیکشن) کی عدالت میں مکمل ہونے کے بعد انشورنس کو حکم جاری کیا گیا ہے کہ وہ مہلوک ڈیسوزا کے اہل خانہ معاوضے کی صورت میں 1,15,96,800 روپے ادا کرے۔

خیال رہے کہ مائیکل ڈیسوزا جب اپنی موٹر بائک پر کہیں جارہاتھا تو ایک تیز رفتار ٹپّر ٹرک نے اسے ٹکر ماردی تھی اور اس کی وجہ سے وہ اپنی جان سے ہاتھ دھو بیٹھا تھا۔عدالت نے انشورنس کمپنی کو مذکورہ بالامعاوضے کے علاوہ اس پر 6.1%سود اورمتاثرہ خاندان کو عدالتی کارروائی کے اخراجات بھی ادا کرنے کا حکم سنایا ہے۔