منی پال میں نشہ باز طلبہ کے خلاف پولیس کا کریک ڈاؤن۔کئی طلبہ پر کیس درج
اڈپی 13؍ستمبر(ایس او نیوز)طلبہ میں بڑھتی ہوئی نشہ بازی کی لت پر قابو پانے کے لئے منی پال پولیس نے خصوصی مہم شروع کی ہے۔ شہر کے مختلف مقامالت پر نشہ باز طلبہ کے خلاف اپنے کریک ڈاؤن کے پہلے دن کم ازکم پانچ طلبہ پر کیس درج کیے گئے ہیں۔
پولیس کا کہنا ہے کہ عوام کی طرف سے طلبہ کی نشے بازی کے بارے میں مسلسل شکایات مل رہی تھیں اس لئے یہ خاص آپریشن شروع کیا گیا ہے۔ پولیس سپرنٹنڈنٹ سنجیوا پاٹل نے اس مہم کی تصدیق کرتے ہوئے کہا کہ اگلے کچھ دنوں تک یہ سلسلہ جاری رہے گااور میڈیا کو اس تعلق سے مزید تفصیلات آئندہ فراہم کی جائیں گی۔