ڈاکٹر امبیڈکر کے خلاف ہتک آمیز تبصرہ، نوجوان پر پولیس کیس درج
اڈپی18؍اپریل (ایس او نیوز) ڈاکٹر امبیڈکر کی جینتی کے موقع پر فیس بک پر ہتک آمیز تبصرہ لکھنے کے الزام میں پولیس کیس درج کردیا گیا ہے۔ رپورٹ کے مطابق برہماور پولیس اسٹیشن میں چندرا التھار نامی ایک شخص نے شکایت درج کروائی تھی کہ اکشئے شیٹی کے فیس بک پیج پر سری کانت نائک نامی ایک نوجوان نے ڈاکٹر امبیڈ کر کے خلاف ہتک آمیز کمینٹ پوسٹ کیا ہے۔
شکایت کنندہ کا کہنا ہے کہ اس طرح کے منفی تبصرے سے صرف ڈاکٹر امبیڈکر کی ہی نہیں بلکہ دستور ہند کی بھی تذلیل ہوئی ہے اوراس سے عوام کے جذبات کو ٹھیس پہنچی ہے۔اس ضمن میں سری کانت نائک کے خلاف کیس درج کرنے کے بعد برہماور پولیس تحقیقات کررہی ہے۔