اُڈپی میں کنٹینر کے پہئیے میں پھنس کر اکٹیوا سوار ہلاک؛ سڑک پر دل دھلا دینے والا منظر
اُڈپی:12/ستمبر(ایس اؤ نیوز) اُڈپی کے جی روڈ پر لاری کنٹینر کے پہئے میں پھنس کر اکٹیوا سوار جائے وقوع پر ہی ہلاک ہوگیا۔ حادثہ بدھ کی شام کو پیش آیا۔
مہلوک کی شناخت اُپّورو کے جی روڈ کے مکین گنگادھر کانچن (55) کی حیثیت سے کی گئی ہے۔ اطلاع کے مطابق لاری کنٹینر کے جی روڈ سے سنتے کٹے کی طرف روانہ تھی ، گنگادھر اپنی اسکوٹر پر سوار کنٹینر کو اوور ٹیک کرنے کی کوشش میں تھا۔ اسی دوران اسکوٹر سڑک پر پھسل گیا اور گنگادھر کنٹینر کے پچھلے پہئیے کے نیچے آگیا۔
کنٹینر اُس کے اوپر سے گذرنے کے بعد اُس کا جسم پہئے کے اندر ہی بری طرح پھسل گیا، جس سے پورا جسم ٹکڑے ٹکڑے ہوگیا۔ سڑک پر دل کو دہلا دینے والا منظر تھا، اللہ تمام لوگوں کی حادثوں سے حفاظت فرمائے۔
اُڈپی ٹرافک پولس تھانہ میں کیس درج ہواہے۔
