اُڈپی: جس مذہب کے مندر میں داخلہ نہیں ، اس کو الوداع کہہ کر کوٹی چنیا کے اصولوں کی حفاظت کریں: بی کے ہری پرساد
اُڈپی 23/اپریل(ایس اؤنیوز)ہم میں سے کسی کو مذہب کے نام پر جیل جانےکی ضرورت نہیں ہے، مذہب امن و شانتی اور اعتماد کے لئے ہے نفرت ، دشمنی کے لئے نہیں ۔مگر ہوکیا رہاہے؟ بھلووطبقہ کے نوجوان اسی مذہب اور دھرم کے تحفظ کی خاطر جدوجہد کررہے ہیں جو مزہب اوردھرم ہمیں مندر میں داخل ہونے نہیں دیتا،لیکن ہمیں دراصل کوٹی چنیا ، نارائن گرو اور ان کے دھرم اور اصولوں کی حفاظت کاکام کرنا ہے۔ ان خیالات کا اظہار راجیا سبھا کے رکن بی کے ہری پرساد نے کیا۔
اُڈپی ضلع بھلوو یوتھ ویدیکے کے زیرا ہتمام اجرکاڑو پربھون میں منعقدہ ضلع کے گروڑی گریکاررو کے تہنیتی پروگرام کا افتتاح کرنے کے بعد وہ خطاب کررہے تھے۔ بی کے ہری پرشاد نے اپنی بات جاری رکھتے ہوئے کہاکہ بھارت میں آج بھی شودروں، دلتوں اور آدی باسیوں کو مندروں میں داخلہ نہیں ہے، اسی لئے ہمیں کوٹی چنیا کی پوجا کرتے ہیں، جس مندر میں دلتوں ، شودروں کو داخلہ نہیں وہاں رہنےوالا بھگوان ہی نہیں ہے، کیونکہ بھگوان کی نظر میں کوئی بھید بھاؤ نہیں ہے۔ ہر ایک مذہب میں ان کے مذہبی پیشوا اپنے طبقہ کے دکھ درد کے موقعوں پر تعاون کرتے ہیں، لیکن ہندو دھرم کے کیاپٹن کہلانے والے برہمن دکھ درد کے لئے آتے ہیں تو صرف پوجا کرکے نکل جاتے ہیں، جب کہ ہماری فلاح گریکاروں (نشانہ بازوں ) کے ذریعے ہی ممکن ہے، کیونکہ ان میں زبردست قوت ہونے کی بات کہی۔ ہمیں سیاسی طورپر طاقت ملی ہے لیکن سماجی اور معاشی آزادی ابھی تک میسر نہیں ہے ، دنیا کی 58فی صد دولت 1فی صد لوگوں کے پاس پڑی ہوئی ہے، مندر کی تعمیر کے لئے کئی لوگ عطیہ جات دینے کے لئے آگے آتے ہیں لیکن تعلیمی اداروں کی تعمیر کے لئے کوئی بھی توجہ نہیں دینے پر افسوس کا اظہار کیا۔ انہوں نے کہاکہ تعلیمی اداروں کی تعمیر کرنا بھگوان کی عبادت کے مانند ہے، سیاسی سطح پر ہم کافی طاقت ور ضرور ہیں، ہمارے کئی نمائندے منتخب ہوتے ہیں، لیکن اپنے سماج کے لئے کوئی تعلیمی ادارہ تعمیر نہیں کرتے ۔ تعلیمی اداروں کی تعمیر ایک مقد س کام ہے ، بھگوان کا اس سے بڑا کوئی اور کام نہیں ہونے کی بات کہی۔ ودھا ن پریشد کے رکن کوٹا شری نواس پجاری نے پروگرام کی صدارت کی۔ اسی موقع پر جانپد کے ماہر بننجے بابو امین، دامودر کلماڑی کی تہنیت کی گئی ۔ کارکلا کے رکن اسمبلی سنیل کمار نے کلیدی بھاشن کیا۔ سابق رکن اسمبلی کے رگھوپتی بھٹ ، اُڈپی بلدیہ کی صدر مینا کشی مادھو ، بی جے پی ضلع صدر مٹارو رتناکر ہیگڈے ، بی این شنکر پجاری وغیرہ موجود تھے۔ ویدیکے کے ضلعی صدر پروین پجاری نے استقبال کیا تو اعزازی صدر اچھیوت کلماڑی نے افتتاحی کلمات پیش کئے ، جنرل سکریٹری وشوناتھ کلماڑی نے شکریہ اداکیا۔ دیانند اور شنتوش نے نظامت کی۔
