ابو ظہبی،14؍جولائی (ایس او نیوز؍آئی این ایس انڈیا )متحدہ عرب امارات کے وزیر خارجہ عبداللہ بن زاید نے کہا ہے کہ قطر کو اپنا کھویا ہوا اعتماد بحال کرنے کے لیے مزید کوششیں کرنی چاہیے ، کیونکہ اس نے خلیج تعاون کونسل کے رکن ممالک کے ساتھ دو سمجھوتے کیے تھے لیکن اس نے ان دونوں میں کسی ایک کی بھی پاسداری نہیں کی ہے۔انہوں نے جمعرات کے روز ایک بیان میں کہا ہے کہ قطر کو دہشت گردی سے نمٹنے کے لیے ان سمجھوتوں کی پاسداری کرنی چاہیے جن پر ا س نے امریکہ اور اپنے خلیجی ہمسایوں کے ساتھ مل کر دستخط کیے تھے۔انہوں نے خلیجی عرب ممالک کیاس موقف کا اعادہ کیا ہے کہ وہ دہشت گردی کے خلاف جنگ میں یکسو ہیں۔ان کا کہنا تھا کہ اس وقت قطر کے پاس دو ہی آپشن رہ گئے ہیں،وہ یا تو دہشت گردی کے خلاف اتحاد کی طرف داری کرے یا پھر دوسری جانب ہوجائے۔