امارات کی صومالیہ میں ہوائی جہاز روکے جانے کی شدید مذمت

Source: S.O. News Service | By Shahid Mukhtesar | Published on 11th April 2018, 4:56 PM | عالمی خبریں |

دبئی 11اپریل (ایس او نیوز؍ آئی این ایس انڈیا) متحدہ عرب امارات نے مملکت میں ایک ہوائی جہاز کو صومالیہ کے دارالحکومت موغادیشو میں روکے جانے، طیارے میں سوار اماراتی فوجیوں کو ہراساں کرنے اور اس میں رکھی رقم ضبط کرنے کی شدید مذمت کی ہے۔ذرائع کے مطابق اماراتی حکومت کی طرف سے جاری کردہ ایک بیان میں بتایا گیا ہے کہ امارات کا ایک ہوائی جہاز 8 اپریل کو موغادیشو کے بین الاقوامی ہوائی اڈے پر روک لیا گیا۔ طیارے پر 47 اماراتی سیکیورٹی اہلکار سوار تھے۔ نہ صرف ہوائی جہاز کو روکا گیا بلکہ اس میں صومالی فوج کے لیے لائی گئی رقم بھی قبضے میں لے لی گئی تھی۔بیان میں کہا گیا ہے کہ گن پوائنٹ پر اماراتی سیکیورٹی اہلکاروں کو روکنا اور ان سے رقم قبضے میں لینا دو طرفہ معاہدوں اور عالمی قوانین کی صریح خلاف ورزی ہے۔اماراتی سرکاری نیوز ایجنسی ’وام‘ کے مطابق موغادیشو ہوائی اڈے پر پیش آنے والے اس واقعے کے بعث ہوائی جہاز کئی گھنٹے تاخیر کا شکار ہوا ہے۔ اماراتی حکومت کا کہنا ہے کہ طیارے میں رکھی گئی رقم صومالیہ کی فوج کی مدد کے لیے بھیجی گئی تھی۔ سنہ 2014ء میں دونوں ملکوں کے درمیان طے پائے ایک معاہدے کے تحت دو طرفہ فوجی تعاون کے شعبے میں مدد کے لیے یہ رقم صومالیہ بھیجی گئی تھی۔اماراتی وزارت خارجہ و عالمی تعاون کی طرف سے جاری کردہ بیان میں صومالیہ میں طیارہ روکنے کو عالمی قوانین، بین الاقوامی ضابطوں اور ممالک کے درمیان پائے جانے والے سفارتی تعلقات کے منافی قرار دیا ہے۔

ایک نظر اس پر بھی

انڈونیشیا میں سیلاب اور تودے سے مرنے والوں کی تعداد 89 ہوئی

  انڈونیشیا کے مشرقی علاقے پاپوا میں سیلاب اور مٹی کے تودے گرنے سے مرنے والوں کی تعداد بڑھ کر 89 ہو گئی ہے اور لاپتہ 74 لوگوں کی تلاش کے لئے ریسکیو آپریشن چلایا جا رہا ہے۔ راحت رسانی مہم میں مصروف حکام نے منگل کو یہاں یہ اطلاع دی۔

پاکستان جیسے دوست ملک سے امریکہ کو ’خارش ‘ ہونے لگی : پاکستان کا ایٹمی پروگرام امریکہ کے لیے بڑا خطرہ ہے: مائیک پومپیو

امریکی وزیر خارجہ مائیک پومپیو نے اتوار کو ایک انٹرویو میں امریکی سلامتی کو درپیش پانچ بڑے مسائل بتاتے ہوئے کہا کہ پاکستان کے ایٹمی پروگرام کے غلط ہاتھوں میں لگ جانے کا خدشہ ان میں سے ایک ہے۔