یوٹی قادر کو چامراج نگر کا ضلع انچارج بنایا گیا
بنگلورو18/جنوری (ایس او نیوز)ریاستی وزیر اعلیٰ سدرامیا کی طرف سے جاری کیے گئے حکم کے مطابق فوڈ اینڈ سول سپلائی منسٹر جناب یو ٹی قادر کو اب چامراج نگر کا ضلع انچارج وزیر بنایا گیا ہے۔ خیال رہے کہ اس سے پہلے مسٹر قادر کولار ضلع کے انچارج وزیر کی خدمات انجام دے چکے ہیں۔
چامراج نگر کے ضلع انچارج وزیر مادھو پرساد کی اچانک موت کے بعد یہ قلمدان خالی تھا۔وزیر مادھو پرساد کا انتقال ہارٹ اٹیک کی وجہ سے ۳ جنوری کو ہوا تھا۔یوٹی قادر نے نئی ذمہ داری سنبھالتے ہوئے وزیر اعلیٰ اور کانگریسی قیادت کا شکریہ ادا کیا ہے۔