U-19 ورلڈ کپ:ہندوستان نے پاپوا نیو گن کو 10وکٹوں سے ہرایا

Source: S.O. News Service | By Shahid Mukhtesar | Published on 17th January 2018, 1:30 PM | اسپورٹس |

ماؤنٹ ماؤنگانوئی،16؍جنوری (ایس او نیوز؍آئی این ایس انڈیا)تین بار کی چمپئن ہندوستانی ٹیم نے پاپوا نیو گنیا کو دس وکٹوں سے شکست دے کر آئی سی سی انڈر 19ورلڈ کپ کے کوارٹر فائنل میں جگہ بنا لی۔کپتان پرتھو شا نے جارحانہ انداز میں نصف سنچری بنائی جبکہ اسپنر انوقول رائے نے پہلی بار پانچ وکٹ لئے۔ دونوں نے ہندوستان کی شاندار جیت میں اہم کردار ادا کیا۔رائے نے 6.5اوور میں 14 رن دے کر پانچ وکٹ لیے۔اس سے پہلے کپتان شا نے ٹاس جیت کر فیلڈنگ کرنے کا فیصلہ کیا۔اویا سیم(15) اور سمون اتا(13) رن کے علاوہ پاپوا نیو گنیا کا کوئی بلے باز ٹک نہیں سکا۔اورپوری ٹیم 21.5 اوور میں 64 رن پر آؤٹ ہو گئی جو اس ٹورنامنٹ کا ابھی تک کا سب سے کم اسکور ہے۔پاپوا نیو گنیا آخری بار 2014میں متحدہ عرب امارات میں ورلڈ کپ کھیلا تھا۔پہلے میچ میں آسٹریلیا کو 100 رنز سے شکست دینے والی ہندوستانی ٹیم نے آٹھ اوور میں ہی بغیر کوئی وکٹ گنوائے ہدف حاصل کر لیا۔شا نے 39 گیند میں 12 چوکوں کی مدد سے 57رن بنائے۔اس ٹورنامنٹ میں ان کی دوسری نصف سنچری ہے۔وہیں رائے نے جونیئر ون ڈے کرکٹ میں پہلی بار پانچ وکٹ لئے۔

ایک نظر اس پر بھی

ہبلی میں منعقدہ کرکٹ ٹورنامنٹ میں بھٹکل ٹیم کی زبردست کامیابی؛ ٹیم کی بھٹکل آمد پر شاندار استقبال

کرناٹکااسٹیٹ  کرکٹ اسوسی ایشن (KSCA) کے زیر اہتمام ہبلی میں منعقدہ چوتھے  زونل لیول کرکٹ ٹورنامنٹ میں بھٹکل سی سی نے  زبردست  جیت حاصل کی ہے، اس جیت  کے ساتھ ہی بھٹکل کے کرکٹ  کھلاڑی کامیابی کے پہلے زینہ  کو پارکرنے میں کامیاب ہوگئے ہیں ۔ جیت  حاصل کرنے کے بعد جب ٹیم بھٹکل ...

پانچویں ونڈے میں شاندار جیت کے ساتھ ہندوستان کا سیریز پر 1-4 سے قبضہ

مڈل آرڈر کے بلے باز امباٹی رائیڈو کی 90 رن کی شاندار اننگز اور آل راؤنڈر ہاردک پانڈیا (45 رن اور دو وکٹ) کی بہترین آل راونڈر کارکردگی کی بدولت ہندوستان نے نیوزی لینڈ کو پانچویں اور آخری ون ڈے میں آج 35 رن سے شکست دے کر پانچ میچوں کی سیریز 4-1 سے اپنے نام کرلی۔

دوسرے ٹی 20 میچ میں جنوبی افریقہ نے پاکستان کو 7 رنوں سے شکست دی

جنوبی افریقہ اور پاکستان کے درمیان تین ٹی 20 میچوں کی سیریز کے دوسرے میچ میں  کپتان ڈیوڈ ملر کی طوفانی اننگز اور اس کے بعد آخری اوورس میں گیند بازوں کی اچھی گیند بازی کی بدولت جنوبی افریقہ نے سنسنی خیز مقابلہ میں پاکستان کو7 رنوں سے شکست دی ۔ ساتھ ہی ساتھ جنوبی افریقہ نے ...

دبئی کے قریب عجمان میں منعقدہ نوائط پریمیر لیگ کرکٹ ٹورنامنٹ میں ڈی وی ایس یونائٹیڈ کی شاندار جیت؛ الکریمی چیلنجرس کو فائنل میں شکست

دبئی کے قریب عجمان کے  ایڈن گارڈن میدان میں منعقدہ ایز ٹیکس نوائط پرئمیر لیگ (این پی ایل)  کرکٹ کا پہلا ٹورنامنٹ  ڈی وی ایس یونائیٹید نے جیت لیا، جس کے ساتھ ہی  پانچ ٹیموں پر مشتمل یہ ٹورنامنٹ کامیابی کے ساتھ اختتام پذیر ہوا۔