بنواسی میں سپاری چوری کرنے والے 2ملزم گرفتار :16ہزارروپئے مالیت کی سپاری ضبط
بنواسی:15؍فروری (ایس او نیوز) گھر کے احاطے میں ذخیرہ کردہ سپاری کو چوری کرنےو الے دوملزموں کو بنواسی پولس نے گرفتار کرتے ہوئے قریب 16ہزارروپئے مالیت کی سپاری ضبط کرلینے کا واقعہ پیش آیا ہے۔
ملزموں کی شناخت گنیش ایشور دیواڑیگا بینگلے اور ارون نارائن پجاری بینگلے کے طورپر کی گئی ہے۔ دونوں ملزموں کا عدالت میں پیش کیاگیا ہے۔ بینگلے کے وگھنیشور وشویشور پاتراکال کے گھر کے احاطے میں جمع رکھی سپاری کو چوری کئے جانے کے متعلق بنواسی پولس تھانےمیں کیس درج ہواتھا۔ ڈی وائی ایس پی جی ٹی نایک اور سی پی آئی گریش بی کی رہنمائی میں بنواسی تھانہ پی ایس آئی سیتارام نے کیس درج کرلینے کے بعد جانچ میں جٹے ہوئے تھے۔ تلاشی کے دوران ملی مصدقہ خبر پر کارروائی کرتےہوئے سب انسپکٹر سیتا رام نے دونوں ملزموں کو گرفتار کرتے ہوئے سپاری ضبط کرلی ہے۔